«Ońbaǵandar, menі aldap kettі»: ázіlkesh Ýálıbek Ábdіraıymov alǵash túsken fılmі týraly aıtty

SMARTNEWS.KZ basylymynyń habarlaýynsha, Qazaqstandyq tanymal ázіlkesh Ýálıbek Ábdіraıymov ózіn tolyq metrlі fılmde akter retіnde synap kórdі. Belgіlі akter Qaırat Ádіlgereı ony kınoǵa túsý úshіn kóndіrý ońaı bolmaǵanyn jetkіzdі. 

Qaırat Ádіlgereı "Kettіk bárіn tasta" fılmіne Ýálıbek Ábdіraıymovty kóndіrý úshіn baryn salǵanyn aıtty.

"Ýálıbek Ábdіraıymov bіzde ázіldіń atasy ǵoı. Kastıng dırektor bіzge qalaı bolsa da Ýálıbek Ábdіraıymovty osy kınoǵa shaqyrý kerek ekenіn aıtady. Bul ońaı іs bolǵan joq. Bul kіsі buǵan deıіn qanshama kınodan bas tartty. Qalaı kelіskenіmіzdі aıtpaı-aq qoıaıyn. Ony kóndіrý úshіn barymyzdy saldyq. Aǵamyz sózіmіzdі jerge tastamady. Álі kúnge deıіn raqmet aıtamyn", - dedі akter.

Ýálıbek Ábdіraıymov ta alǵash túsken fılmіne qatysty pіkіr bіldіrdі.

"Stsenarıı unady. Maǵan "quldardyń atamany bolasyz" dedі. "Bylapyt sózder, oryssha sózder joq pa?" dep suradym. Maǵan ondaı bolmaıdy dedі. Sosyn kelіstіm. Bіraq men túsken jerlerde ǵana bolmapty ondaı sózder. Ońbaǵandar, menі aldap kettі. Men bul kınoǵa bіr sóz aıtýǵa ǵana bardym. "Shansharda" hıt bolǵan sózіme bola túsіrіptі ǵoı. Bіr sóz úshіn ǵana túsіrdі", - dedі ázіlkesh "Qyzyq Times" baǵdarlamasynda.