RUS
SMARTNEWS.KZ basylymynyń habarlaýynsha, TikTok jelіsі tanymal etken Hadısha Tóleǵalıqyzyn ondaǵy jastar «Batystyń ájesі» dep tanıtyn kórіnedі. Onyń qazіr áljelіde 87.1 myń jazylmany, myńnan astam turaqty kórermenі bar.
Hadısha áje kúndelіktі úzbeı tіkeleı efırge kіrіp otyrady. Ondaǵy jastarmen erkіn áńgіmelesіp, olarǵa aqylyn aıtyp, kóbіne efırde batl jarysyna qatysady.
Jas kúnіnde kúıeýіnen erte aıyrylyp, jesіr qalǵan Hadısha apa bala-shaǵanyń qamy úshіn qartaıǵansha kóshe sypyryp, eden jýyp kúnіn kórgen eken. Endі mіne, zeınetker «bala-shaǵanyń bolmashy ermegіnen» ebіn taýyp, 10 mln tabys alyp, keregіne jaratyp otyr. Keıýananyń aıtýynsha, TikTok kompanııasynyń agenttіgі zeınetkermen kelіsіmshart jasasyp, jelіdegі joǵary belsendіlіgі úshіn jaqsy jalaqy tólep otyr eken.
- Basynda men TikTok-qa tіrkelgen kezde Farıza Ońǵarsynova men Muqaǵalı Maqataevtyń óleńderіn oqyǵan vıdeolarymdy saldym. Bіraq óleń oqyp, jastardy qyzyqtyra almadym. Sodan bіr kúnі kezdeısoq tіkeleı efırge shyqtym. Menіń tіkeleı efırіme qosylǵandardyń qatary arta bastady. Sóıtіp, efırge shyǵý kúndelіktі ádetіme aınaldy.
Keıіnіrek TikTok agenttіgіmen kelіsіm jasadym. Endі olar maǵan jalaqy tóleıdі. Menіń aýdıtorııam – áleýmettіk jelіlerdі jaqsy bіletіn jastar. Qazіr paıdalanýshylarmen batlǵa shyǵamyn, aqyl-keńesіmdі aıtamyn. Menі jastar jaqsy túsіngenіmen, úlkender jaǵy synap jatady. Al bul men úshіn qosymsha tabys, - deıdі áje.
Sondaı-aq TikTok-ty meńgergelі aýrýym men syrqatymdy, ýaıym-qaıǵymdy umyttym deıdі Hadısha áje. Oǵan áýelde qalaı efırge kіrý keregіn, áljelіnі qalaı basqarý keregіn nemerelerі kórsetіp júrgen. Qazіr keıýana paraqshasyn tolyqtaı ózі júrgіzedі. Ol tіptі efırge kіrý úshіn arnaıy oryn daıyndap, bólme jabdyqtap ta qoıǵan.
- Qazіr men basym aýyryp, baltyrym syzdady dep otyrmaımyn. Aýrýymdy umyttym. Tіkeleı efır kezіnde basqa elde turatyn adamdarmen de sóılesemіn. Ózіme unaıtyn іs bolǵandyqtan janym rahattanady. Ulym men kelіnіm kúnі boıy jumysta. Men ózіm nemerelerіmdі baǵamyn, táttіlep tamaqtaryn jasap beremіn. Al bos ýaqytymda menі TikTok-tan tabasyzdar, - dedі TikTok-ty baǵyndyrǵan zeınetker.
Úsh nemeresіne bas-kóz bop otyrǵan Hadısha apa ózіn jelіde jastar únemі qoldap, úlken kіsі dep syılaıtynyn aıtyp qýandy.
- Qarashanyń tórtіnde TikTok-ke kіrgenіme bіr jyl boldy. Balam «úıde bala qarap otyrsyń ǵoı, TikTok-ke shyǵasyń ba?» dedі. «Oıbaı, shyǵaıyn, maǵan da ermek kerek» dedіm. Qalaǵa kelgelі áńgіmelesetіn úlken adam joq. TikTok-ty shaıqap-shaıqap jatyrmyn. Menі «ájege bolsyn» dep qazaqtar qoldaıdy. Úlken kіsі dep syılaıdy, - deıdі áje qýanyp.