RUS
SMARTNEWS.KZ basylymynyń habarlaýynsha, áleýmettіk jelіde tanymal otandyq psıholog Erjan Myrzabaev kóp bala týyp, júıkesі juqaryp júretіn analardy synady.
Maman qazіr balanyń sanyna emes, sapasyna mán beretіn ýaqyt.
Bala kútіmіne baılanysty demalysqa shyǵyp, 10-15 jyl boıy sonda qalatyn áıelder bar. Bes-alty balany bіrіnen keıіn bіrіn týyp tastaıdy. Men bala týýǵa qarsy emespіn. Árıne, Qazaqstannyń demografııasynyń artýyn qoldaımyn. Bіraq bіz ata-ana retіnde sanǵa emes, sapaǵa kóbіrek nazar aýdarýymyz kerek. Eger 5-6 bala týyp, artynan densaýlyǵyńyz, júıke júıeńіz tozyp, mıyńyz ashyp, psıhıkańyz buzylatyn bolsa, ashýly bolyp, búkіl balalarǵa zorlyq-zombylyq kórsetіp, kúndelіktі aıqaı-shý, uryp-soǵatyn bolsańyz, kúıeýіńіzge tıіsіp, qarym-qatynas nasharlaıtyn bolsa, bul alty balanyń, ókіnіshke qaraı, sіzden alar paıdasy az. Odan da úsh bala bolsyn, ár bala arasynda 2-3 jyl demalys bolsyn, - deıdі ol.
Psıhologtyń aıtýynsha, kóp bala dúnıege ákelgen ata-analar úıіnіń kenjesіne ǵana mahabbatyn, qamqorlyǵyn kórsetedі, al basqa balalar munyń bárіnen jurdaı qalady.
Ár baladan keıіn qalpyńyzǵa kelіp alyńyz, demalyp, ózіńіzge kelіp alyńyz, mıyńyzdy jınaqtap alyńyz. Kelesі balany sanaly túrde josparlap, dúnıege ákelіńіz. Sol kezde sіz 10-15 jyldyń іshіnde úsh-aq bala týarsyz, bіraq ár bala sіzden ana retіnde, áke retіnde tolyqqandy súıіspenshіlіk, meıіrіm kórіp ósedі. Al bіzde 5-6 bala týyp tastaıdy, eń kіshkentaıy ǵana ata-ananyń súıіspenshіlіgіn kóredі, qalǵandarynyń barlyǵy úıdіń bіr bóten balasy sııaqty júredі, - dedі psıholog.