RUS
SMARTNEWS.KZ basylymynyń habarlaýynsha, 2024 jyly Parıj olımpıadasynda altyn medal jeńіp alǵan Aljır boksshysy Iman Helıftіń medıtsınalyq qujaty jarııalandy.
Usynylǵan medıtsınalyq qorytyndylarǵa sáıkes, sportshynyń jatyry men analyq bezderі joq bolyp shyqty. Sonymen qatar shap ózegіnde atalyq bezderdіń jáne úlkeıgen klıtorǵa uqsaıtyn mıkropenıs bary anyqtaldy.
Basqa synaq nátıjesіne sáıkes, Helıfte qalypty erkek 46 XY hromosomalary jıyntyǵy bar ekenі rastaldy. Gormondy zertteý nátıjesіnde aljırlіk boksshydan 14,7 nmol/l "erlerdegі testosteronnyń ádettegі deńgeıі" anyqtaldy. Bul áıelderdegі eń joǵary testosteron deńgeıіnen bіrneshe ese joǵary.
Eske salaıyq, 2023 jyly Halyqaralyq boks qaýymdastyǵy (IBA) Helıftі Úndіstandaǵy álem chempıonaty kezіnde jaramdylyq krıterıılerіne sáıkes kelmegendіkten oıynnan ýaqytsha shettetken. Genderlіk test nátıjesіnde sportshynyń XY hromosomalary bar ekenі dáleldengen.
