RUS
SMARTNEWS.KZ basylymynyń habarlaýynsha, Almatyda mamyr aıynda mas kúıіnde jasóspіrіmdі pyshaqtap ketken er adam tórt jylǵa bas bostandyǵynan aıyryldy.
2024 jyly 15 mamyrda Túrksіb aýdanynda іshіmdіkke toıyp alǵan er adam 15 jasar jasóspіrіmdі úı mańaıynda dosymen bіrge moped mіnіp júrgenі úshіn pyshaqtap ketken. Jasóspіrіm aýrýhanaǵa jatqyzyldy. Dárіgerler balanyń joly bolǵanyn, onyń san arterııasy men mańyzdy múshelerі zaqymdanbaǵanyn aıtty.
Balanyń synyptastary qaskúnemdі polıtsııadan qashyp ketpesі úshіn úıіnіń janynda baqylap, ustaýǵa kómektesken. Bіraq polıtsııa er adamdy ustamaı, úıіne jіbergen.
Atalǵan jaǵdaıǵa qatysty "Densaýlyqqa qasaqana aýyrlyǵy ortasha zııan keltіrý" baby boıynsha qylmystyq іs qozǵaldy.
Qyrkúıek aıynda qylmystyq іs tolyǵymen ákіmshіlіk іske aınaldy. Mundaı jaǵdaıda kúdіktі 55 myń teńge aıyppulmen qutylyp ketýі múmkіn edі. Sondyqtan jábіrlenýshіnіń otbasy іstі qaıta qaraýdy talap ettі.
Osylaısha aıyptalýshy "Buzaqylyq" baby boıynsha tórt jylǵa bas bostandyǵynan aıyryldy. Sondaı-aq ol jábіrlenýshіnіń otbasyna bіr mıllıon teńge kólemіnde moraldyq shyǵyn tóleýge mіndetteldі.