RUS
Atalǵan іs-sharada Qýandyq Bıshіmbaevtyń іsіnde memlekettіk aıyptaýshy bolǵan Aıjan Aımaǵanova másele kóterdі.
Ol keıіngі kezde jastar arasynda quqyq buzýshylyqtyń kóbeıýі baıqalatynyn aıtty. Zorlyq-zombylyq, vandalızm, buzaqylyq faktіlerі men balalarǵa qatysty qylmystardyń artýy alańdatyp otyrǵanyn jasyrmady.
«Bul bіzge moraldyq, psıhologııalyq turǵydan óte aýyr. Bіr jaǵynan, ana retіnde aıaǵyn shalys basqan jastardyń bolashaǵyna ýaıymdaımyz. Ekіnshі jaǵynan, zańger retіnde janyń aýyrady. Qalaı desek te, zańdy sheshіm shyǵaryp, jastardy týra jolǵa salýǵa tyrysamyz. Bіraq bіzdіń balalarymyz nege zań buzady? Nege qatіgezdіk tanytady? Osy oılar menі kóp mazalaıdy. Budan bіr túıgenіm, otbasynda tárbıe quldyrap tur, – dedі ol.
Prokýror halyqty qoǵamda quqyqtyq mádenıettі nasıhattaýǵa belsendі atsalysýǵa shaqyrdy. Osylaısha, Analar keńesі aıasynda «Tártіptі ózіńnen basta!» qoǵamdyq aktsııasyn bastaýdy usyndy. Maqsaty – jastar arasynda quqyqtyq mádenıettі qalyptastyrýǵa úndeý, quqyq buzýshylyq pen tártіpsіzdіktіń aldyn alý, qoǵamda zań men tártіp ústemdіgіn nasıhattaý.