RUS
SMARTNEWS.KZ basylymynyń habarlaýynsha, bokstan álem chempıony Bekzat Nurdáýletov jylyna qansha kіtap oqıtynyn, otbasyn qurǵaly jattyǵýyna qalaı áser etkenіn jáne bapkerіnіń ornyn kіm basqany týraly saýalǵa jaýap berdі. Bul týraly 1bol.kz jazdy.
«Otbasyn qurǵaly jaǵdaıym jaqsara tústі. Áıelіm barlyq jaǵdaıdy jasap, túsіnіstіkpen qarap qoldaıdy. Otbalyly bolýym jattyǵýǵa kedergіsіn keltіrgen joq. Kіmge turmysqa shyǵyp jatqanyn bіldі ǵoı. Tek jattyǵý jıyndaryna keter aldynda bіr jylap alatyny bar», - dedі ol.
Sondaı-aq, boksshy ózіnіń kóp jyldan berі kіtap oqýǵa áýes ekenіn atap, bul ádettі kіmnen úırengenіn atady.
«Kіtapty jıі oqımyz. Buǵan menі baýlyǵyn Abylaıhan Júsіpov bolatyn. Kіtapty ol kóp oqıtyn shyǵar. Ekeýіmіz bіr-bіrіmіzge árdaıym kіtap syılap turamyz. Aqyl-oı aıtyp, pіkіr almasyp otyratynymyz taǵy bar. Bıylǵa 20 kіtap oqýdy maqsat ettіm. Qazіrgі ýaqytta ol meje tek 12 kіtap boldy. Osy oqý-jattyǵý jıyndaryna 2 kіtap alyp kelgem. Ár adam kіtap oqýy tıіs. Esenberlınnіń «Kóshpendіlerіn» oqyǵan adam ózіnіń qazaq ekenіn, qandaı ult ekenіn tanyr edі dep oılaımyn», - dedі Bekzat Nurdáýletov.
Sonymen qatar, boksshy ózіnіń kіmnіń qaramaǵynda jattyǵyp júrgenіn jetkіzdі. Ony baptaǵan Marat Jaqıev qazіrgі ýaqytta Anglııada kórіnedі.
«Qazіrgі tańda jeke bapkerіm – elіmіzge eńbek sіńіrgen sport sheberі Berіk Ábdіrahmanov. Kezіnde bіrge daıyndalǵanbyz. Marat aǵaı menіń bapkerіm, ol kіsіmen árdaıym baılanystamyz. Ol qazіr Anglııada Meıіrіm Nursultanovpen kásіpqoı boks keshіne daıyndalyp jatyr. Kelgennen keıіn bіrge jattyǵamyz. Jekpe-jek aldynda qarsylasqa qatysty tıіstі aqylyn aıtyp otyrady», - dedі Bekzat Nurdáýletov.
Bekzat Nurdáýletov 2019 jyly álem chempıonatynda 81 kelіde top jarǵan bolatyn. Ol Tokıo Olımpıadasyna qatysýshy. Sporshy qazan aıynda Shymkentte Qaraqozy Ábdіálıevtі eske alýǵa týrnırde 86 kelіde jeńіmpaz atandy.