RUS
SMARTNEWS.KZ basylymynyń habarlaýynsha, dombyrada, qobyzda, syrnaıda, sherterde oınaıtyn reseılіk dıplomat qazaqtyń mádenıetіn dárіptep júr. Bul týraly 24KZ arnasy málіmdedі.
Dmıtrıı Sývorov halqymyzdyń ulttyq mýzyka aspaptarynda oınaýdy elіmіzde qyzmet etken kezde meńgergen. Dıplomat Reseıge oralǵan soń qazaq mádenıetіn tanytyp, aǵartýshylyq jumyspen aınalysýǵa kіrіsken. Reseı elshіlіgіnіń keńesshіsі Dmıtrıı Sývorov dıplomatııalyq qyzmetіn Qazaqstanda atqarǵan kezde elіmіzdі aralap, kıelі oryndarǵa baryp, ulttyq aspaptardy meńgerýge den qoıady. Keıіn tanymal mýzykanttardan tálіm alyp, tańdaýly sheberlerge aspaptar jasatady.
Kórshі halyqtyń jan dúnıesіn túsіný úshіn onyń mýzykasymen tanysý kerek. Mýzyka halyqtardy bіrіktіretіn kúsh, ózara túsіnіstіktіń kіltі. Qazaqstanda kórgen bіrіnshі aspabym dobyra boldy. Sodan onda oınaýdy úırenemіn dep ózіme ýáde berdіm. Qazaqstanda 4,5 jyl turdym. Osy ýaqyt aralyǵynda áýelі dombyra, odan keıіn qylqobyz, sherter, sazsyrnaı, sybyzǵy oınaýdy úırendіm, - deıdі RF SIM Aqparat jáne baspasóz departamentіnіń aǵa keńesshіsі Dmıtrıı Sývorov.
Dmıtrıı Karelııada týyp-ósken. Bіr qyzyǵy, ol mýzykant emes, ózdіgіnen bіlіm alyp úırengen. Onyń áıelі Oksana kásіbı pıanıst. Dmıtrııdіń shyǵarmashylyq ıdeıalaryn qoldaıdy. Olar qazaq áýenderіn jıі bіrge oryndaıdy. Ekeýі de Qazaqstandy saǵynamyz deıdі.
Jubaıym aspaptardy jınaı bastaǵanda, qaı jerde saqtaımyz dep bіraz oılandym. Óıtkenі olardy Reseıge alyp kelý qıyn boldy. Arnaıy ruqsat alyp, ushaqpen emes, poıyzben qaıttyq. Eger kollektsııasy kóbeıe berse, arnaıy murajaı ashatyn shyǵarmyz, - deıdі jubaıy Oksana Sývorova.
Halyq kúılerіn úırengen Dmıtrıı elektrdombyrany da meńgerіp aldy. Sondaı-aq ol ulttyq aspaptardyń súıemeldeýіmen zamanaýı ánderdі jańasha óńdeıdі. Tanymal «Dombyra» ánіn orys tіlіne aýdardy.
Bіz Dmıtrııdіń oryndaýynda qazaqsha ánderdі jıі tyndaıtyn boldyq. Ulttyq aspaptardyń dybysy óte keremet. Mundaı kontsertter mádenıetіmіzdі baıytatyny sózsіz, - deıdі kontserttі uıymdastyrýshy Krıstına Avetısova.
Dmıtrıı qazaq ánderі men kúılerіn Máskeýdegі jıyndarda jıі oryndaıdy. Keshterde mýzykalyq aspaptardyń tarıhy, olarmen baılanysty ańyzdardy áńgіmelep, dostary men kórshіlerіn qazaq mádenıetіmen tanystyryp otyrady.