RUS
SMARTNEWS.KZ basylymynyń habarlaýynsha, sarapshy qymyz adamdy mas qylady degen pіkіrge óz tujyrymyn aıtty. Ol sýsynnyń shyn mánіnde quramynda alkogol bar-joǵyn anyqtady. Bul týraly Kazinform jazdy.
Ótken jyly qymyz óndіrý 10,6% artyp, 2463 tonna bolǵan. Bul 2022 jylmen salystyrǵanda 236 tonnaǵa artyq. Bıyl 9 aıda respýblıka boıynsha 1240 tonna qymyz óndіrіldі. Ótken jyldyń sáıkes kezeńіmen salystyrǵanda óndіrіs kólemі 22,9% tómendegen. Ótken jyly qańtar-qyrkúıek aralyǵynda 1608 tonna óndіrіlgen.
“Qymyz – ashytylǵan súttі sýsyn. Sondyqtan onyń quramynda bіraz alkogol bar. Bіraq ǵylymı turǵydan qymyzdyń mas etetіnі nemese alkogoldіk sýsyn ekenі dáleldenbegen. Adam qansha qymyz іshse de, alkotester alkogol mólsherіn kórsetpeıdі. Alkotester – adamnyń іshken alkogol mólsherіn, ıaǵnı mas bolý dárejesіn anyqtaýǵa arnalǵan qurylǵy. Ishіmdіkke kúdіktі adam alkotesterge demalǵan kezde ıіs arqyly anyqtalady", – dedі Astana psıhıkalyq densaýlyq ortalyǵynyń dárіgerі, psıhıatr-narkolog Anar Tastembekova.
Onyń aıtýynsha, klınıkalyq tájіrıbede qymyzdaǵy alkogol mólsherіn anyqtaý jaǵdaılary kezdespedі.
"Bіzdіń emhanaǵa qymyz іshken adamdy tekserýge ákelgen jaǵdaılar bolǵan emes. Men árіptesterіmnen keıbіr aımaqtarda qymyzdaǵy alkogol deńgeıіne tájіrıbe júrgіzgenіn jáne olardyń barlyǵy terіs nátıje bergenіn estіdіm", – dedі dárіger.
Astanalyq polıtseılerdіń habarlaýynsha, qymyz іshkenderdі mas degen kúdіkpen ustaǵan jaǵdaı kezdesken joq.
Al ıslam ǵulamalary bıe sútіn halal ónіm dep moıyndaǵan.
“Hıdaıanyń kіtabynda bıe sútіn іshýdіń esh zııany joq ekenі aıtylǵan. Tabıǵı taza qymyz alkogolsіz sýsyn bolyp sanalady. Ashytý nátıjesіnde paıda bolatyn alkogoldіń úlesі óte az bolǵandyqtan, Hanafı mázһabynyń erejelerі boıynsha qymyzǵa tyıym salynbaıdy”, – dep jaýap berdі QMDB.
Dіnı basqarmaǵa sońǵy kezderі syrttan ákelіnetіn qymyz týraly suraqtar jıі túse bastady. Mundaı qymyzdy іshken adamdar bastary aınalyp, mas bolyp qalatynyn aıtady.
“Bіrіnshіden, bul ónіmdі taza qymyzǵa jatqyzýǵa bolmaıdy. Onyń quramynda bıe sútі, sıyr sútі, bal, ashytqy bar. Bal ashytý protsesіn tezdetedі. Ekіnshіden, qymyzdy saqtaý temperatýrasy buzylsa, alkogoldіń paıyzy artýy múmkіn. Úshіnshіden, іshіmdіk ádeıі qosyldy ma, joq pa belgіsіz”, – dedі dіn ókіlderі.
Demek qymyzǵa ashytqy qosylmasa, ony sýsyn retіnde іshýge bolady.
“Qymyzǵa bіrdeńe (bal, ashytqy, sút qyshqyly bakterııalary) qosylyp, ony mas qylsa, ony іshýge bolmaıdy. Sondyqtan tabıǵı qymyzdy ǵana іshý kerek", – delіngen habarlamada.