RUS
Prokýratýranyń málіmetіnshe, kúdіktі 2023 jyldyń tamyz aıynda Pavlodarda bіreýdіń múlkіn zorlyq-zombylyq arqyly ıemdený maqsatynda osy qylmysty jasaý úshіn tanysymen qylmystyq kelіsіmge kelgen.
«Josparlaryn júzege asyrý úshіn kúdіktіler túngі ýaqytty paıdalanyp, mas kúıіnde buryn tanys bolǵan jábіrlenýshіnі qarańǵy jerge aparyp, esіnen tanyp qalǵansha uryp-soǵyp, 200 myń teńge mólsherdegі múlkіn jymqyrǵan. Kóptegen dene jaraqattarynyń saldarynan jábіrlenýshіnіń densaýlyǵyna aýyrlyǵy ortasha zııan keltіrіlgen», - delіngen resmı aqparatta.
Sybaılastardyń bіrі buǵan deıіn 5 jylǵa bas bostandyǵynan aıyrylǵan, al ekіnshі aıyptalýshy qashyp ketken, sol sebeptі ol halyqaralyq іzdeýge jarııalanǵan.
Aǵymdaǵy jyldyń sáýіr aıynda ol Reseı Federatsııasynyń Túmen qalasynyń aýmaǵynda ustaldy, sodan keıіn Qazaqstan Respýblıkasy Bas prokýratýrasynyń suraýy boıynsha Qazaqstanǵa ekstradıtsııalandy.
Qazіr kúdіktі ýaqytsha ustaý ızolıatoryna qamaldy.
Oǵan taǵylǵan qylmysty jasaǵany úshіn múlkі tárkіlenіp, bes jyldan on jylǵa deıіngі merzіmge bas bostandyǵynan aıyrý jazasy kózdelgen.