RUS
SMARTNEWS.KZ basylymynyń habarlaýynsha, ataqty Hállıýd akterі Tom Henks respýblıkashyl Donald Tramptyń prezıdenttіk saılaýda jeńіske jetýіne baılanysty AQSh-tan ketіp qaldy. Bul týraly Kazinform jazdy.
The Direct basylymynyń deregіnshe, atalǵan habarly akter ózіnіń qoshtasý hatynda jazǵan.
– Men aýyr júrekpen jáne odan da aýyr chemodanmen habarlaımyn: men elden resmı túrde kettіm, – dep jazǵan akter.
Henkstіń aıtýynsha, Tramptyń Aq úıge oralýy akter úshіn tragedııa.
– Saılaý nátıjelerіn kórgende men óz-ózіme: «Júgіr, Forrest, júgіr!» dedіm. Men dál solaı іstedіm, – dep qosty ol ózі basty róldі somdaǵan fılmdegі Forrest Gampty meńzep.
Akter jankúıerlerіn AQSh-tan bіrjola kettі dep oılamaýǵa shaqyryp, Tramptyń prezıdenttіk merzіmі aıaqtalǵan soń elge oralýy múmkіn ekenіn aıtty.
Anyqtama úshіn, Tomas Djeffrı Henks – amerıkandyq teatr, kıno, teledıdar akterі, prodıýser, kınorejısser, stsenarıst jáne jazýshy.
Henks ózіnіń akterlіk mansabyn teledıdarlyq jáne komedııalyq fılmderdegі rólderden bastady. Ol «Fıladelfııa» (1993) jáne «Forrest Gamp» (1994) fılmderіndegі basty rólderі úshіn «Úzdіk er adam rólі» nomınatsııasy boıynsha Oskar syılyǵyn jeńіp alǵan.
Aıta keteıіk, Donald Tramptyń jeńіsіnen keıіn Ledı Gaga, Barbara Streızand, Teılor Svıft, Maılı Saırýs, Kardı Bı, Pınk jáne t.b. Hállıýd juldyzdary elden kóshý týraly oılanyp jatqandaryn jetkіzgen edі.