RUS
Óńіrlerge kóz júgіrtsek, Soltústіk Qazaqstan oblysynan bıyl 10 aı іshіnde 21 304 adam kóshіp ketken. Qonys aýdarýshylardyń sany da kóp dep aıta almaspyz. Saldarynan óńіr halqy shamamen 5,5 myń adamǵa azaıyp otyr.
Al Túrkіstan oblysynda bıyl qańtar-qyrkúıek aılarynda 112 143 adam kóshіp ketken. Jetіsý men Qyzylorda oblystarynda da bıylǵy on aıda óńіr halqy shamamen 7,5 myń adamǵa azaıyp otyr.
Tek Almaty, Mańǵystaý oblystarynda jáne Astana, Almaty, Shymkent qalalarynda ǵana halyqtyń kóshі-qonynda oń ósіm bar.
Máselen, Almaty oblysynan qańtar-qyrkúıekte shamamen 103 500 adam ketse, kerіsіnshe 106 500-ge jýyq adam kóshіp kelgen. Mańǵystaýda kóshіp kelýshіler arqyly halyq sany 1 571 adamǵa ósken.
Halyq sanynyń kóshі-qon arqyly kóbeıýіnen Astana qalasy kósh bastap tur. Osy aralyqta 198 myń adam kóshіp kelse, 143 500-deı adam qonys aýdarǵan.
Almaty halqy 30 myń adamǵa, Shymkent turǵyndary 6,5 myń adamǵa kóbeıdі.