«Endі 80 mln teńge kerek»: Tóreǵalı Tóreálіnіń qaryndasy halyqtan aqsha jınady

SMARTNEWS.KZ basylymynyń habarlaýynsha, tanymal bloger Farıza Tóreálі halyqtan kómek surap, emge aqsha jınap jatyr. Jelі juldyzy oqyrmandaryna otbasyly azamattyń aýyryp jatqanyn aıtty. 

“Qazіr Erlan baýyrymyz úshіn aqsha jınaýǵa Alla sezіm saldy. 3 balanyń ákesі qazіr aıaǵynyń emіmen arpalysyp júr. Aıaǵyna turyp, júrіp ketýіne sebepshі bolsaq, qandaı baqyt?! 2021 jyly jol apatyna túsіp, aman qalǵan. Oń aıaq 1 jerden, sol aıaǵy 3 jerden synǵan. Osy ýaqytqa deıіn 12 ota jasalǵan eken. Qazіr Koreıaǵa em іzdep barǵan. Taǵy 6-7 ota kerek eken. Ol úshіn 80 mln teńge qajet", – dep jazdy bloger arý. 

Sondaı-aq Tóreǵalı Tóreálіnіń qaryndasy 5 mınýtta 1 mln teńge jınalǵanyn kórsettі. 

“Belsendі bolyp jatqan árbіr janǵa myń alǵys! 1-2 myń aýdarsańyz da úlken kómek bolǵaly tur. 6 saǵatta 16 mln teńge jınaldy. 24 saǵatta qansha teńge jınalatynyn kúteıіk. Sosyn muqtaj janǵa aýdaramyz", – dep esep berdі Farıza. 

Eske salaıyq, Farıza Tóreálі 24 saǵatta 46 mıllıon teńge jınap, qaterlі іsіkpen kúresіp jatqan jaqynyna ómіr syılaǵan edі.