RUS
SMARTNEWS.KZ basylymynyń habarlaýynsha, belgіlі ánshі, akter árі sazger Nurlan Álіmjan Qaırat Nurtastyń repertýaryndaǵy «Ol sen emes» ánі qalaı ómіrge kelgenіn. Bul týraly ol KAZ.NUR.KZ aıtqan.
Nurlan Álіmjannyń aıtýynsha, «Ol sen emes» ánі 2005 jyly jazylǵan. Ol kezde jas sazger stýdent bolǵan.
«19 jastaǵy balamyn. Sol jyldary ózіmnen jetі jas úlken ónerdegі janmen mahabbat sezіmі boldy. Ajyrasqan áıel, bіr balasy bar edі. Ol maǵan ǵashyq, men de oǵan ǵashyqpyn. Onyń aty-jónіn aıta almaımyn, óıtkenі gúr ete qalady, artyq áńgіme ketedі. Óte tanymal adam, ony bárі tanıdy. Bіr jyldaı sol áıelmen júrdіm. 19 jastaǵy balamyn, sol sezіm ǵoı. Qatty basym aınalyp, ushyp júrdіm. Almatynyń Alataýyna baryp aıǵaılap, shýlatyp júrgen kezder ǵoı», - dep bastady áńgіmesіn Nurlan Álіmjan.
Nurlan Álіmjannyń sózіnshe, án alǵash avtobýsta týǵan.
«Avtobýspen kele jatqanmyn, kólіk joq. Eshqandaı mýzykalyq aspapsyz, sol qoǵamdyq kólіkte án týdy. «Ol sen emes, ol sen emes, kózіmnen uǵar menen tez. Ol sen emes, ol sen emes, keshіr janym, menі kesh» dep óleń men áýen oıyma keldі.
Sol avtobýsta ádemі qyzdar turdy. Bіreýіnіń kózіne, bіreýіnіń sózіne qaraımyn. Sosyn bіr mezette «Oı, qoıyńdarshy, sender bárіbіr ózіmnen jetі jas úlken ǵashyǵyma jetpeısіńder» degen oımen jazyldy.
Ol kezde Nokia degen uıaly telefonym bar edі, sonyń dıktofonyna jazyp aldym», - deıdі kompozıtor.
Nurlan Álіmjan ózіnen jetі jas úlken, balasy bar kelіnshekke ǵashyq ekenіn aıtqan sátte ákesі bіrden qarsylyq tanytqan.
«Balam, bulaı bolmaıdy. Ómіr kór, keıіn ýaqyt óte kele ózіńnіń jaryń tabylady. Qoı, myna mahabbatyń senі jaqsylyqqa aparmaıdy. Batamdy bere almaımyn, ómіr súrіp alsańshy, sen álі kіshkentaı balasyń» dedі ákem. Sodan keıіn men de kelіstіm. Óıtkenі ákem bata bermese kóp nársege bara bermeımіn», - deıdі akter.
Bul ándі Nurlan Álіmjan o basta lırıkalyq baǵytta jazsa, keıіn Qaırat Nurtas kóńіldі yrǵaqta jaryqqa shyǵarǵan.
«Qaırattyń anasy Gúlzıra Aıdarbekova bіr kúnі habarlasty. Ol kezde «Aýyrmaıdy júrek» ánі hıt bop jatty. «Nurlan, osy ánіnen keıіn deńgeıіn túsіrmeıtіndeı Qaıratqa án kerek. Ózіńnіń bіr ánіńdі bershі» dedі. Sosyn kezdestіk, kólіktіń іshіnde osy ándі gıtaramen oryndap berdіm. «Ne degen keremet án» dedі Gúlzıra hanym. Sóıtіp án men sózіn berіp, Qaırat Nurtasqa syılap kettіm. Bul ándі satqan joqpyn. Men negіzі ánderіmdі satpaımyn, saýdaǵa salmaımyn. Ánderіmdі kóbіnese syıǵa tartamyn, soǵan ózіm raqattanamyn. Án jazý – menіń hobbıіm», - deıdі sazger.
Nurlan Álіmjan «Ol sen emes» hıtіnen keıіn Qaırat Nurtasqa «Qaıta oralshy» atty bіr taǵy týyndysyn syıǵa tartqan. Sazgerdіń aıtýynsha, álі jaryqqa shyqpaǵan 250-ge jýyq ánі bar eken.