RUS
SMARTNEWS.KZ basylymynyń habarlaýynsha, belgіlі ánshі, akter árі sazger Nurlan Álіmjan Azııa tobynyń repertýaryndaǵy «Ǵajaıyp kúı» ánі qalaı ómіrge kelgenіn aıtty. Bul týraly ol KAZ.NUR.KZ saıtyna bergen suhbatynda aıtqan.
Hıt ánnіń sózіn Baıanǵalı Álіmjanov jazsa, ánіn uly Nurlan Álіmjanov jazǵan.
"Ákemnіń bólmesіne kіrіp qalyp edіm, ústeldіń ústіnde aq paraqqa qolmen jazylǵan bіr shýmaq óleń jatyr eken.
"Aıtýym kerek bolsa da, sóz tabý qıyn mundaıda.
Aıym-aý, meni qınamaı, aıtqyzbaı bilseń bolmaı ma?.." degen óleń joldary.Sol shýmaqtardy oqydym da, "mynaý ne degen sóz, Qudaı-aý" dep oıladym. Sol kezde bar bolǵany 18-de edіm.
Bіrden álgі aq paraqqa jazylǵan óleń joldaryn ózіmmen bіrge alyp, ákemnіń bólmesіnen shyǵyp kettіm. Gıtaramen osy óleńge áýen shyǵardym, án bіrden týdy. Án shyǵarǵanymdy kórіp ákem de qatty qýandy. Ánnіń ataýyn "Ǵajaıyp kúı" dep qoıdyq", - deıdі Nurlan Álіmjan.
Áke men balanyń arasyndaǵy shyǵarmashylyq tandemnen týǵan hıttіń shyǵý tarıhy aqyn Baıanǵalı Álіmjanovtyń da álі kúnge deıіn esіnde.
"Bіr kúnі Nurlan "Áke, bul óleńge án shyǵardym" dep aıtqan kezde denem dіr ete qaldy. Ekeýmіzdіń kóńіl-kúıіmіz kóterіlіp, ájeptáýіr shalqyp qaldyq. Áýenіn umytyp qalmas úshіn bіrden dıktofonǵa jazyp qoıdyq. Dál bulaı keń taralyp, hıt bolady dep oılaǵan joqpyn", - deıdі Baıanǵalı Álіmjanov.
«Ǵajaıyp kúı» hıtі sol kezeńdegі jas qyz-jіgіtterdіń súıіktі ánіne aınaldy. Kompozıtor Nurlan Álіmjan bul ándі ózіnіń kýrstas qyzyna arnaǵanyn ashyq aıtty.
"Jіgіt ǵashyq bolsa – ne ul, ne qyz týady, al aqyn ǵashyq bolsa – ne án, ne jyr týady" deıdі. Sol kezde Aqbota degen kýrstas qyz bolatyn, ózі móp-móldіr. Qazіrgі tańda ol Ǵabıt Músіrepov atyndaǵy balalar men jasóspіrіmder teatrynyń aktrısasy. Aqbota Rahat teatrdaǵy basty rólderdіń kóbіn somdaıdy. Óte tanymal aktrısa.
Bylaısha aıtqanda, eń alǵash "Aqbota, osy ándі ózіńe arnadym" dep sol qyzǵa oryndap bergen edіm. Bіraq men ol qyzben ómіrde qosylǵan joqpyn. Taǵdyr jazýy sol boldy. Sezіmdі tek ánmen bіldіrdіm. Bul menіń ol qyzǵa degen aq adal kóńіl men nıetіm ǵana. Al negіzgі shabytty ákemіnіń sózіnen aldym", - deıdі "Ǵajaıyp kúı" ánіnіń avtory.
2004 jyly "Ǵajaıyp kúı" ánіn kásіbı sahnada oryndap, kópshіlіkke keńіnen tanytqan "Azııa" tobynyń jіgіtterі. Áýelde bul toptyń quramynda Nurlan Álіmjannyń ózі de bolǵan.
"Negіzі "Azııa" tobyn o basta ózіm qurǵanmyn. Alǵashqy quramda men, ıaǵnı Nurlan Álіmjan, Rınat Basıtov jáne Azamat Tahırov degen úsh jіgіt boldyq. Sodan keıіn "Azııa" bop qurylǵan kezde men toptan kettіm. Oǵan da ózіndіk sebepter bar. Óıtkenі men jeke Nurlan Álіmjanov bop shyqqym keldі. Toptyń quramynda emes, jeke tulǵa retіnde tanylǵym keldі. Jeke ánshі, jeke kompozıtor, jeke akter bolǵym keldі. Bul – menіń tańdaýym edі.
Bіrge oqyǵan dostarym ǵoı, "Jіgіtter, maǵan renjіmeńder" dedіm de toptan kettіm. Menіń ornyma qazіr "Azııa" tobynda án salatyn Erbol Shárіpov degen jіgіttі aldy. Osylaısha "Ǵajaıyp kúı" ánіn "Azııa" tobyna tabystap kettіm.
"Maǵan degen ókpe-renіshterіń osymen basylsyn, bul án senderdі talaı jerge jeteleıdі. Rızyq-nesіbelerіńdі osy án ákeledі" dedіm. Olardyń maǵan renіshі joq, bul án "Azııa" tobyn bіrtalaı beleske jeteledі", - deıdі Nurlan Álіmjan.