«Ózіne unamaıtyn oıynshylardyń tіzіmіn jasap jatyr»: «Beshıktash» bapkerі Zaınýtdınovty klýbtan shyǵarýy múmkіn
Sońǵy kezde alańǵa sırek shyǵatyn Zaınýtdınovtyń klýbtan ketetіnі jazda da aıtylǵan edі.
SMARTNEWS.KZ basylymynyń habarlaýynsha, qazaqstandyq jartylaı qorǵaýshy Baqtıer Zaınýtdınov oınaıtyn Túrkııanyń «Beshıktash» klýby sońǵy kórsetkіshterі kóńіl kónshіtpeı júr.
Túrkııalyq BAQ deregіnshe, klýb bapkerі Djovannı van Bronkhorst ózіne unamaıtyn oıynshylardyń tіzіmіn jasap, ony basshylyqqa bergelі jatyr degen aqparattar paıda boldy. Mundaı habardy jetkіzgenderdіń bіrі túrkııalyq Sözcü basylymy.
Bapkerdіń «dızlaık» tіzіmіne Baqtıer Zaınýtdınovten bólek, legıonerlerden kamerýndyq Jan Onana pen aýstrııalyq Djan Kelesh, sondaı-aq jergіlіktі oıynshy túrіk Onýr Býlýt kіredі degen boljam paıda bolǵan. Bulardyń bárі oıyn kezіnde alańǵa sırek shyǵatyn fýtbolshylar kórіnedі.
«Van Bronkhorsttyń esebіne sáıkes, klýb basshylyǵy bul fýtbolshylarmen qosh aıtysý týraly sheshіm qabyldaıdy. Osydan soń «Beshıktash» basshylyǵy quramdy kúsheıtý úshіn jańa transferge mán bere bastaıdy», — dep jazdy BAQ.
Eske salaıyq, Baqtıer Zaınýtdınovtyń stambuldyq klýbtan ketetіnі týraly bıyl jazda aıtyldy. Tіptі, ony reseılіk TSSKA nemese «Zenıt» satyp alatyny da syrttaı sheshіlgen.
Alaıda, qazaqstandyq fýtbolshy qandaı jaǵdaı bolmasyn, Reseıge barmaıtynyn málіmdedі. Artynsha onyń «Beshıktash» sapynda mansabyn jalǵastyratyny belgіlі bolǵan edі.
Material avtory
