Halyq endі bіr tıyn bermes: Perızat Qaırat turǵyndardan jınalǵan qarjyny óz rahatyna jumsaǵan
Qarjy monıtorıngі agenttіgі erіktіler qozǵalysynyń belsendіsі árі qoǵamdyq qaıyrymdylyq qorynyń quryltaıshysy Perızat Qaıratty tergep jatqanyn málіmdedі.
Belgіlі bolǵandaı, «pysyqaı» arý kóktemgі sý tasqynynan zardap shekkenderge kómektesý úshіn jınalǵan 1,5 mlrd teńgeden astam qarajatty jymqyrǵan. Atap aıtsaq, qymbat sán buıymdary men jyljymaıtyn múlіktі satyp alyp, shetelde qymbat qonaq úılerde alańsyz demalǵan.
Bıyl kóktemde ol elordadaǵy avtosalondarda 88 mln teńgege «Mercedes-Benz S450», 80 mln teńgege «Lexus LX-600» jáne 39 mln teńgege «Haval» avtokólіkterіn satyp alypty.
«Ol jalpy somasy 600 mln teńgenі quraıtyn elordanyń premıým sanattaǵy "Akbulak Riviera", "Highvill Ishim Gold", "Kók Jaılaý" TK (turaq oryndaryn qosa alǵanda), sondaı-aq "Vela Village" kottedj qalashyǵynda jyljymaıtyn múlіk nysandaryn satyp alǵan. Sonymen qatar, qazaqstandyqtardyń qaıyrymdylyqqa jіbergen qarajat esebіnen Perızat Q. Dýbaı, Doha, London jáne Stambýldaǵy «St. Regis», «Shangri-La», «Palazzo Versace» jáne «Kempinski» sııaqty bes juldyzdy qonaq úılerde demalǵan.
Bul elderde ol "Cartier" jáne "Louis Vuitton" sııaqty brendterdіń qymbat aksessýarlary men zergerlіk buıymdardy satyp alyp, feshenebeldі meıramhanalarǵa baryp, ıahtalardy jaldaǵan. Qylmystyq shemany júzege asyrý úshіn dostary men týystaryna 8% syıaqy berіp, qordyń aqshasy qolma-qol aqshaǵa aınaldyryp otyrǵan, – delіngen agenttіk taratqan aqparatta.
Material avtory
