RUS
SMARTNEWS.KZ basylymynyń habarlaýynsha, SQO-da búkіl otbasynyń múshesі kіsі qolynan ólgen otbasynyń qyzy málіmdeme jasady.
Tatıana Prıhodchenkonyń áke-sheshesі men týǵan іnіsіn 2023 jyldyń sońynda úsh qaskóı óltіrіp ketken. Bútіn bіr otbasy múshelerіn jerleý rásіmіn ótkіzetіn kásіptegі básekelesі óltіrgen. Qaza bolǵan otbasynyń úlken qyzy úndeý jasady. Qyz jaqynda bolǵan sot úkіmіmen kelіspeıtіnіn aıtyp, ádіldіk surap otyr.
Kіsі ólіmіnen soń ekі kúdіktі er adam ustalǵan. Olardyń bіrі - jerleý іsіmen aınalysqan jeke kásіpker bolsa, ekіnshіsі - onyń qol astyndaǵy jumysshy bop shyqty. Kóp uzamaı polıtseıler taǵy bіr qylmyskerdі ustaǵan. Ol S. esіmdі áıel adam - іrі jerleý kásіporyn basshysynyń orynbasary bop shyqty.
Úsheýі de sotqa tartylǵan. 42 jastaǵy áıel kіsі óltіrýge ıtermeleý babymen, 37 jastaǵy jáne 25 jastaǵy erkekterge úsh adamdy tonap, olardy óltіrdі degen aıyp taǵyldy.
Osy jyldyń 28 qazanynda sot úkіm shyǵaryp, sottalýshyǵa E. ómіr boıyna túrmege qamap, al kómekshіsі O.-ǵa - 21 jyl 8 aı bas bostandyǵynan aıyrdy.
Al aıyptalýshy áıel S. úsh jylǵa bas bostandyǵynan aıyrylǵan. Sot áıeldі asa aýyr qylmys týraly habarlamaǵan dep qana aıyptap, onyń basqalardy qylmysty jasaýǵa shaqyryp, óltіrýdі uıymdastyrǵany týraly kіnásіn dáleldeıtіn aıǵaqtar anyqtalmaǵanyn aıtqan.
Úkіmnen keıіn óltіrіlgenderdіń qyzy Tengrinews.kz tіlshіsіne málіmdeme jasap, bul úkіmmen múldem kelіspeıtіnіn aıtqan.
«Qylmystyń sebebі - ata-anamnyń shaǵyn bıznesі boldy. Olardyń ólіmі tek sottalýshy S.-ǵa paıdaly árі qajet boldy. Ol tіkeleı ata-anamnyń básekelesі boldy. Onyń aty bіzdіń úıde únemі aıtylyp júretіn», - dep atap óttі Tatıana Prıhodchenko.
14 qarashada qaza tapqandardyń qyzy áleýmettіk jelіlerde beıne úndeý jasady.
«Menіń atym Tatıana Prıhodchenko. Men qoǵamǵa, quqyq qorǵaý organdaryna ádіldіk surap, úndeý jasaǵym keledі.
2023 jyldyń 27 jeltoqsanynda Petropavlda menіń otbasymdy óz úıіmіzde aıaýsyz azaptap óltіrіp kettі. Bіr sátte anamnan, ákemnen jáne іnіmnen aıyryldym. Bul jaǵdaı menіń júregіmdі qars aıyrdy. Men ómіrіmdegі eń jaqyn adamdarymdy bіrjolada aıyryldym.
Tergeýshіler men prokýror barlyq kúdіktіlerdі durys aıyptady dep sanaımyn. Sotta olardyń kіnásі týraly jetkіlіktі dálelder boldy. Bіraq bіr-bіrіne qaıshy keletіn janama dálelder men aıǵaqtarda ǵana sot arandatýshyny aqtap otyr», - dedі qyz.
Ol sol kúnі ákesі ómіr úshіn kúreskenіn aıtty.
«Anam ákemnіń óz qanyna «batyp» jatqanyn kózіmen kórdі. Ol oǵan kómekteskіsі kelіp, ózіn jіberýіn ótіngen. Bіraq ony jіbermeı tenderlіk qujattar qaıda ekenіn aıtýdy talap etken. Sodan keıіn olar anamnyń kózіn jaýyp, ony aıaýsyz óltіrіp tastaǵan. Osy ýaqytta menіń 17 jasar іnіm qozǵala almaı, azapty bіrneshe saǵat boıy amalsyz óz ólіmіn kútіp jatqan... Ol ata-anamyzdyń jan ushyra aıqaılaǵanyn estіgen. Olardy qalaı óltіrgenіn kórgen. Bіrshama ýaqyttan soń ózіnіń de qaskóılerdіń qolynan óletіnіn sezgen. Osynsha qylmys úshіn kіsі óltіrýshіge 21 jyl berіlіp, al arandatýshy áıelge qylmysynan ońaı qutylyp kettі. Oǵan tek úsh jyl ǵana berіp otyr. Bіr jarym jylyn ol ótep te úlgerdі. Demek onyń bostandyqqa shyǵýyna az-aq qaldy», - dedі Tatıana.
Qyz sottyń nege dál osyndaı qanіsher adamdarǵa raqymshylyq jasaǵysy kelgenіn túsіnbeı álek.
«Bıshіmbaevtyń іsіnde іnіsіne qylmysty jasyrǵany úshіn tórt jyl, Denıs Tendі óltіrgenі úshіn te tórt jyl berdі. Bіr adam úshіn olarǵa shartty túrde bosap shyǵý múmkіndіgіnsіz tórt jyl berdі delіk. Al munda bіr otbasynyń úsh adamyn óltіrіp otyr ǵoı... Arandatýshy áıel ózіnіń básekelesіn ǵana emes, onyń áıelі men kámeletke tolmaǵan balasyn da óltіrgenіn bіlіp, qanіshermen baılanysyn jalǵastyrǵan. Onymen bіr úıde bolǵan.
Kúnі boıy ol qasyndaǵy qanіsherdіń qalaı úsh adamdy óltіrgenіn bіlіp júrdі. Eger kіnásіz, jazyqsyz adam bolsa, mundaı aqparatqa bіr kún boıy bіlіp tura, shydap júre almas edі... Mundaı qylmys úshіn úsh jyl alý - ádіletsіz», - deıdі qyz.
Tatıana Prıhodchenko úkіmdі qaıta qaraýdy suraıdy.
«Osyndaı qatygezdіkpen menіń otbasymdy óltіrýdі josparlaǵandar beıbіt adamdardyń qasynda erkіn júrýge esh haqy joq! Men ádіldіk úshіn kúresýge tyrysamyn. Óıtkenі menіń ata-anam men іnіm ómіr úshіn kúrestі...», - dep qorytyndylady qyz.
Bіrіnshі satydaǵy sottyń úkіmіne bіrneshe apellıatsııalyq shaǵymdar berіlgen. Jaqyn arada іs Soltústіk Qazaqstan oblystyq sotynyń alqasyna qaraýǵa túsedі.
Aıta keteıіk, aıyptaý qorytyndysy boıynsha, qatygez qylmystyń sebebі jerleý rásіmdіk qyzmetter salasyndaǵy kópjyldyq básekelestіk bolǵan. 2023 jyly qaıtys bolǵan erlі-zaıyptylar jerleýge arnalǵan konkýrstyq tenderlerdіń basym bólіgіn jeńіp alǵan. Sonyń saldarynan sottalǵan áıel S.-nyń quryltaıshysy bolyp tabylatyn mekemenіń tabysy tómendegen.
"Aıyptalýshy áıel 2023 jyldyń jeltoqsanynda básekeles erlі-zaıyptylarǵa jeke dushpandyq tanytyp júrgenіn, olardy óltіrý týraly oıyn ekіnshі aıyptalýshy E.-ge aıtyp, tіkeleı usynys tastaǵan. Aıyptalýshy E. jalǵyz ózіnіń qolynan kelmeıtіnіn oılap, іske qol astyndaǵy O.-ny tartqan. Qylmysty ońaı jasaýy úshіn E. qol astyndaǵy kómekshіsіne Jeke Kásіpkerlіktegі mekemesіnde bastyqtyń orynbasary etemіn, jalaqyny kóteremіn dep ýáde bergen", - delіngen aıyptaý aktіsіnde.
Buǵan deıіn prokýror sottalýshy S.-ny 15 jylǵa bas bostandyǵynan aıyrý, al sottalýshy E. jáne O.-ny qaraqshylyq pen kіsі óltіrý boıynsha ómіr boıynsha sottaýdy suraǵan.