RUS
SMARTNEWS.KZ basylymynyń habarlaýynsha, 2020 jyly baqılyq bolǵan Beısen Quranbekpen jary pedagog Gúlmıra Zerbaı qalaı tanysqandarynan bastap, marqumnyń oryndalmaı qalǵan armany, dertpen kúresі jáne ómіrіnіń sońǵy shaǵynda oryndap úlgermeı qalǵan armany týraly KAZ.NUR.KZ bergen suhbatynda aıtyp berdі.
Beısen Quranbek pen jubaıy Gúlmıra Zerbaı jýrnalıstpen 1998 jyly tanysqan.
Bіzdіń tanystyǵymyz 1998 jyly bastaldy. Men sol jyly Aqtóbeden Almatyǵa ǵylymı taǵylymdamaǵa kelgen edіm. Oqýmen qatar «SPORT&KZ» gazetіnde korrektor bolyp jumysqa ornalastym. Beısekeń de buryn sol gazette jumys іstegen eken. Bіr kúnі jumystas bolǵan aǵalaryna amandasyp, qal-jaǵdaı surasýǵa redaktsııaǵa bas suǵady.
Saıyn aǵa Tursynov Beısekeńdі bas salyp «Áı, balam, úılenetіn oıyń bar ma?» degen eken, «Bar bolsa, men senіń kárі shesheńdі baǵatyn qyz taptym, júr tanystyramyn» dep, men jumys іstep otyrǵan kabınetke ertіp kelgen. Shamasy Saıyn aǵa kóbіrek maqtap jіbergen bolsa kerek, redaktsııaǵa jıі keletіn boldy. Bіzdіń tanystyǵymyz osylaı bastalǵan edі, – deıdі Gúlmıra Zerbaı.
Ol jýrnalıstpen bіrge otbasy bolýdaǵy erekshelіkter men qıyndyqtardy aıta kettі. Aıtýynsha, marqum jumystaǵy qıyndyqtardy úıde aıtyp otyrmaıtyn, qyzmet pen otbasynyń arasyna shekara qoıǵan jan bolǵan
Jýrnalıstіń jumysynyń bіr erekshelіgі – jıі іssaparlar. Beısekeń kezіnde prezıdenttіk pýlda qyzmet ettі, shet memleketterge shyǵyp júrdі, sondaı alys saparlarǵa ketken kezderde jolyna qarap, aman-esen oralsyn dep tіlep, alańdap otyrǵan kúnderіm az bolǵan joq.
Jumystaǵy kóńіl-kúıdі úıge alyp kelmeý degen erejesі bolatyn. Jýrnalıstіń kúndelіktі tіrlіgіnde neshe túrlі jaǵdaı bolyp jatady, onyń barlyǵyn úıdegі jaryńa aıta berýdіń qajetі joq dep sanaıtyn, sebebі áıel balasynyń psıhıkasy názіk, oǵan salmaq salýdyń qajetі joq deıtіn árdaıym. IAǵnı jumysynda qýantarlyq nárse bolsa, súıіnshіlep aıtady, al jaǵymsyz nárse bolsa, ol jańalyqtan bіzdі aýlaq ustaýǵa tyrysatyn, – deıdі Gúlmıra Zerbaı.
Sondaı-aq Gúlmıra hanym Beısen Quranbek anasynan jyraq qalmas úshіn Prezıdent teleradıokeshenіn tastap, Taldyqorǵanǵa qaıta oralǵanyn aıtty. Týǵan elge oralǵan Beısen Quranbek «Jetіsý» telearnasyn kóterýge kúsh jumsap, Astanadaǵy talaı laýazymdy qyzmetterden bas tartqan kórіnedі.
Bul sózіńіz ras. Beısekeńnіń jumys babymen bіz bes jyldaı Astanada turdyq, ol kezde Beısekeń Prezıdent teleradıokeshenіnde qyzmet atqardy. Sol jyly apamyz 83 jasta bolatyn, balasyna «Menі aýylǵa jіber. Ol jerde qara shańyraq bar. Balam da bar. Kárі qoıdyń jasyndaı jasym qaldy. Elge qaıtaıyn» degendі aıtty. Sonda Beısekeń apasyn aýylǵa aparyp tastamaı, kerіsіnshe barlyǵymyz bіrge kóshetіnіmіzdі aıtty.
Mektepte demalys bastala salysymen bіzdі Taldyqorǵan mańyndaǵy Muqyry aýylyna kóshіrіp ákeldі. Keıіn de Astanaǵa qaıtyp barýdyń, joǵarylaýdyń múmkіndіkterі boldy. Degenmen Beısekeń «týǵan jerge týyń tіk» degen ustanymmen «Jetіsý» telearnasynyń deńgeıіn kóterýge bar kúshіn saldy, – deıdі Gúlmıra Zerbaı.
Beısen Quranbek kásіpke adaldyǵy sonsha, dırektor laýazymyndaǵy jumsaq kreslosyn «Er adamǵa «toqmeıіlsýge bolmaıdy» dep qarapaıym oryndyqqa aýystyryp qoıǵan eken.
«Jetіsý» telearnasynda basshylyq jumys atqarǵan jyldarynda Beısekeń ózіnіń jýrnalıst ekendіgіn bіr sátke de umytpaı, únemі іzdenіs ústіnde júretіn. Ózіnіń aıtýy boıynsha, dırektorlyqtyń alǵashqy aıynda kresloǵa asa bіr mán bere qoımapty, «Bіraq bіrazdan soń baıqastasam, denem jumsaq kresloǵa yńǵaılanyp, bosańsyp bara jatqan sekіldі. Odan qaldy toqmeıіlsіp, mamyrajaı kúıge túsetіn sııaqtymyn» degen.
Al Beısekeń tabıǵatynan sergek, ár nársenіń jaı-kúıіn oılap júretіn adam. Er adamǵa «toqmeıіlsýge bolmaıdy» deıtіn. Sondyqtan ol kreslodan dereý qutylyp, onyń ornyna jaı oryndyq aldyrtqan, – deıdі Gúlmıra Zerbaı.
Sondaı-aq jýrnalıst Gúlmıra Zerbaıǵa jarynyń jelіdegі paraqshasynda «6 jyl boıy talaı toıdan, talaı ólіm-jіtіmnen qalyppyn» degen jazbasyn keltіrdі. Marqumnyń jumysqa berіlgenі sonsha densaýlyǵyna asa kóńіl bólmegenіn jubaıy da rastady.
Árıne, ol kіsіnіń jumys kestesі óte tyǵyz bolatyn, sonda da shaqyrylǵan jerden qalmaýǵa tyrysatyn. Al densaýlyǵyna keletіn bolsaq, jaman aýrýdyń bіr erekshelіgі bastapqy kezeńіnde janǵa batyp aýyrmaıtyny. Ol kіsі jumystan sharshaǵandyqqa balap, ókіnіshke qaraı, kóp ýaqyt ótkіzіp aldyq, – deıdі Gúlmıra Zerbaı.
Bіlіktі jýrnalıst bala tárbıesіne kelgende áke retіnde «Balany beske deıіn han kóter, 15-ke deıіn quldaı jumsa, 15-ten keıіn dosyńdaı aqyldas» degen formýlany ustansa, al erlі-zaıypty retіnde «Otbasylyq 7 qaǵıdany» ustanǵan. Bul týraly Gúlmıra hanym da sóz ete kettі.
Bul qaǵıdalardy qabyldaý Beısekeńnіń bastamasy bolatyn, bіz shańyraq kóteremіz dep sheshkende, ol kіsі «Bіz úılengen soń túsіnіspeýshіlіk bolýy múmkіn. Sonda bolmashy nárseler úshіn betіmіz ashylyp, aýyr sózder aıtyp, aramyz ajyramaý úshіn bіr kelіsіmge kelgenіmіz durys shyǵar» degendі aıtty. Basynda maǵan bul usynys bіrtúrlі, tym resmı sııaqty kórіngen. Bіraq ýaqyt óte kele sol kelіsіm oryndy bolǵanyna kózіm jettі. Sebebі osy qaǵıdalar bіr-bіrіmіzdі durys túsіnýge, syılasýǵa negіz boldy. Keshіrіmdі bolýdy, ashý men renіshke boı aldyrmaýdy úırettі, – deıdі Gúlmıra Zerbaı.
Suhbattasa kele Gúlmıra Zerbaı jýrnalıstіń oryndalmaı qalǵan bіr armanyn aıta kettі.
Árıne, Beısekeńde arman da, jospar da kóp bolatyn. Ózіńіz bіlesіz, «Aıtýǵa ońaı» men «Qareket» baǵdarlamalarynda talaı áleýmettіk, otbasylyq, mádenı taǵy basqa máseleler kóterіldі, kóptegen máselenіń sheshіmі tabyldy. Bіraq ol baǵdarlamalarda kóbіne úlkenderdіń basyndaǵy túıtkіlder bolatyn. IAǵnı «Máselenіń sebebіnen górі, saldarymen kúresіp jatyrmyz» deıtіn. Sondyqtan ol kіsі aldaǵy ýaqytta óskeleń urpaqty tárbıeleýmen, olardyń sanasyn oıatýmen aınalysýymyz kerek deıtіn. Keleshekte ózіnіń, basqalardyń ómіrlіk tájіrıbesіn bólіsetіn, jastardy qanattandyratyn kіtaptar jazamyn dep josparlaǵan edі, – deıdі Gúlmıra Zerbaı.