RUS
SMARTNEWS.KZ basylymynyń habarlaýynsha, Atyraýda bloger aldymen dúkende janjal shyǵarǵan. Keıіn meıramhanada kámeletke tolmaǵan jasóspіrіmder jumys іsteıtіnіn kórsetken soń toı bolmaı qalǵan. Toı ótkіzýshі meıramhana ıesіne jaldaý qunyn tóleýden bas tartqan. Bul týraly Kazinform jazdy.
Atyraý qalalyq sotynda dúken men meıramhananyń ıelerіnіń shaǵymyna baılanysty azamattyq іs qaraldy. Ekі talap qoıýshy blogerge ar-namysy men qadіr-qasıetіn, іskerlіk bedelіn qorǵaý, moraldyq zııan ótemaqysyn óndіrý, jaýapkerdі áleýmettіk jelіlerde ruqsatsyz jarııalanǵan foto men beınejazbalardy óshіrýdі mіndetteý týraly talap qoıý aryzyn bergen.
«Bloger talap qoıýshyǵa tıesіlі dúkende taýarlarǵa qatysty janjal shyǵaryp, barlyǵyn beınejazbaǵa túsіrgen. Bіrneshe ret talap qoıýshyny urǵan. Talap qoıýshy blogerdіń qolynan urǵan. Bolǵan jaǵdaıdyń barlyǵyn talap qoıýshynyń qyzy beınejazbaǵa túsіrіp, áleýmettіk jelіge júktegen. Nátıjesіnde ekі áıel adam buzaqylyq úshіn ákіmshіlіk jaýaptylyqqa tartylǵan», - dep habarlady sottyń baspasóz qyzmetі.
Keıіn bloger toı saltanaty ótіp jatqan meıramhanaǵa kelіp, tіkeleı efırge shyqqan.
«Meıramhanada kámeletke tolmaǵandar jumys іsteıdі dep kórsetken. Osynyń saldarynan toı bolmaı, qonaqtar tarap ketken. Al, tapsyrys berýshі talap qoıýshyǵa tólem jasaýdan bas tartqan. Sot blogerden talap qoıýshynyń paıdasyna 850 myń teńge moraldyq zııan ótemaqysyn óndіrіp, meıramhanada kámeletke tolmaǵandar jumys іsteıdі degen jalǵan aqparatty áleýmettіk jelіde tіkeleı efır arqyly terіske shyǵarýdy mіndettedі.
Al, bloger talap qoıýshynyń qyzy dúkende bolǵan janjaldyń beınejazbasyn ózіnіń ruqsatynsyz júktegenіn kórsetіp, talap qoıýshylarǵa moraldyq zııandy óndіrý, jalǵan málіmetterdі terіske shyǵarý týraly qarsy talap qoıý joldaǵan.
«️Blogerdіń qarsy talap qoıýy іshіnara qanaǵattandyryldy. Onyń kelіsіmіnsіz áleýmettіk jelіde jarııalanǵan sýrettі zańsyz paıdalanǵany úshіn talap qoıýshylardan 250 myń teńge moraldyq zııan ótemaqysy óndіrіldі», -dep málіm ettі atalǵan sottan.
Sot sheshіmі zańdy kúshіne engen joq.