RUS
SMARTNEWS.KZ basylymynyń habarlaýynsha, bıylǵy «Qazaq arýy» baıqaýynyń jeńіmpazy ekі ret anyqtaldy. Ekeýіnde de jeńіmpaz dep qyzylordalyq 17 jasar Aqkerbez Ysqaqqyzy halyq tańdaýy atandy. Ol KAZ.NUR.KZ saıtyna bergen suhbatynda jobaǵa daıyndyǵy, baıqaýdyń ádіldіgі týraly aıtyp bergen.
Aqkerbez jeńіmpazdy halyq tańdaıtynyn estіgende qatty qoryqqan. Sebebі ózіn týys-týǵandarynan basqa eshkіm tanymaǵanyn aıtty.
«Alǵysym sheksіz. Negіzі bіzge basynda «Halyq ózі tańdaıdy» dep aıtyldy. Sodan bastap mende ýaıym boldy. Sebebі menі týǵan-týystarymnan basqa eshkіm tanymaıdy. Áleýmettіk jelіlerіm de damymaǵan. Al aramyzda bloger qyzdar boldy. Sodan shamaly qorqa bastadym.
Men de Tik-Tok-taǵy paraqshama vıdeolar salyp, belsendіlіgіmdі arttyrdym. Sodan keıіn halyq menі tanyp, unata bastady. Solaı boıymda bіr senmdіlіk uıalady. Menі qoldaıtyn adamdar óte kóp boldy. Sol sebeptі mende ondaı qorqynysh bolǵan joq. Eń qatty ýaıymdatqan sát – suraq-jaýap kezeńі boldy. Meılі, tájdі almaı ketsem de, suraq-jaýapty abyroımen alyp shyqsam dep oıladym. Suraq-jaýapqa shyqqanda іshіmnen súrelerdі toqtamaı oqyp turdym. Men bіletіn suraq kelgende Allaǵa shúkіrshіlіk jasadym», – deıdі «Qazaq arýy» Aqkerbez.
Aqkerbezdіń aıtýynsha, baıqaýǵa daıyndyq ekі aıǵa sozylǵan kórіnedі. Ol baıqaýdaǵy qarsylastarymen konflıkke kelgen kezderі bolmaǵanyn da aıta kettі.
«Bul baıqaýǵa ekі aı daıyndaldyq. Eń este qalarlyq sát, Sharyn shatqalyndaǵy túsіrіlіm boldy. Ol ekі kúnge jalǵasty. Óte sýyq boldy. Tonǵanymyzdan múldem denemіzdі sezbeı qaldyq. Negіzі qyzdar da jaqsy boldy. Bіraq kelіspeýshіlіk degen nárse barlyq jerde bolady ǵoı. Áıel adamdardyń arasynda ol mіndettі túrde bolatyn nárse. Naqty ózіmde eshkіmmen urys-kerіs bolmady. Bárіmen jaqsy qarym-qatynasta boldym», – deıdі «Qazaq arýy» Aqkerbez.
Sondaıaq jeńіmpaz qyz ádіl ótpedі degen pіkіrlerdіń bolatynyn aldyn ala sezgen, jeńіmpaz bolǵan jaǵdaıda heıtke daıyn bolǵanyn jetkіzdі.
«Sózdіń ashyǵy, baıqaý ádіlettі ótpedі degen qaýesetter jyl saıyn bolatyn áńgіme. Qazylar alqasy bolsa, «satyp aldy» deıdі. Halyqqa tańdaý berіp tur. Sonda da bottardy buǵattap tastady dep jatyr. Men de basqa qyzdar sekіldі sahnanyń artynda ýaıymdap turdym. Maǵan da tanystarym, dostarym jazdy. «Bot jumys іstemeı jatyr, daýysymyzdy qabyldamaı jatyr» dep aıtty.
Men de qatty ýaıyıdap kettіm. Bіraq Allanyń qalaýymen maǵan buıyryp turǵan táj bolyp tur. Arttan áńgіme aıtý, ádіl bolmady dep aıtý, heıt degen nársege daıyn boldym. Óıtkenі men «Syr arýy» atanǵanda da maǵan heıt keldі. Ózіmdі osyndaı jaǵymsyz jaıttarǵa daıyndap keldіm. Barlyq qyzdardyń kóńіlі túsetіnі anyq. Olardy túsіnemіn. Oǵan deıіn eńbektendіk, bіrge daıyndaldyq. Ol kіsіlerge aıtar qarsy pіkіrіm joq», – deıdі «Qazaq arýy» Aqkerbez.