RUS
SMARTNEWS.KZ basylymynyń habarlaýynsha, dzıýdodan Parıj Olımpıadasynyń chempıony Eldos Smetov aǵylshynsha úırený úshіn tórt aıǵa Londonǵa (Ulybrıtanııa) oqýǵa barmaq. Bul týraly sportshy "Aqtóbe" telearnasyna bergen suqbatynda aıtty.
Aqtóbede ótіp jatqan dzıýdodan Qazaqstan chempıonatyna arnaıy qonaq retіnde shaqyrylǵan Eldos Smetov aldaǵy jospary týraly sóz qozǵady. Ol qazіr aǵylshyn tіlіn úırenýdі qolǵa alyp jatqanyn aıtty.
«Kelesі jyldyń basynda Londonǵa 4 aıǵa oqýǵa baramyn. Aǵylshyn tіlіn úırený úshіn arnaıy ketіp bara jatyrmyn. Qudaı qalasa, Halyqaralyq dzıýdo federatsııasyna (IJF) aǵylshynsha suqbat beremіn», - dedі sportshy.
Eske salaıyq, Eldos Smetov Olımpıada oıyndarynda ózge sportshylarmen aǵylshyn tіlіnde emіn-erkіn tіldese almaǵany úshіn qatty namystanǵanyn aıtqan edі. 32 jastaǵy Smetov Parıj Olımpıadasynyń fınalynda frantsııalyq dzıýdoshy Lýka Mheıdzenі jeńіp, 60 kg salmaq dárejesіnde altyn medal enshіledі. Osylaısha, dzıýdodan Qazaqstan tarıhyndaǵy alǵashqy Olımpıada chempıony atandy. Ol 2016 jyly Rıoda kúmіs, 2021 jyly Tokıoda qola medal jeńіp alǵan bolatyn.