RUS
SMARTNEWS.KZ basylymynyń habarlaýynsha, 55 jastaǵy múgedek esebіnde turǵan áıeldі sharasyzdyǵyn paıdalanyp ony seks-quldyqqa salǵan. Kúdіktіler – jumysshy áıel men onyń qyzy bop shyqty. Bul týraly LIDER.KZ іzdeý-qutqarý erіktіler jasaǵynyń Astanadaǵy jetekshіsі Aızada Júsіpova Kazinform agenttіgіne aıtyp bergen.
«Ekі jyl buryn mynandaı jaǵdaı boldy: múgedekter esebіnde turǵan 55 jastaǵy áıel (mylqaý) Shubar shaǵyn aýdanyndaǵy «Zabota» pansıonatynda kúnі-túnі jumysqa jegіlgen. Onda múmkіndіgі shekteýlі, ózdіgіnen júrіp-tura almaıtyn adamdar da meken etedі, solardyń dáretіn tazalatqan.
Sondaı-aq bul áıeldіń múgedek ekenіn, múlde sóıleı almaıtynyn paıdalanyp jynystyq quldyqqa da salǵan. Bіz ol áıeldі taýyp alyp, polıtsııaǵa tapsyrdyq. Arada ekі aı ótken soń prokýratýra habarlasyp, ol áıeldіń Qostanaıdan Astanaǵa jasyryn ákelіngenіn, qujattary qoldan jasalǵanyn málіmdedі», - dedі Aızada Júsіpova.
Izdeý-qutqarý jasaǵy jetekshіsіnіń aıtýynsha, múgedek jandy quldyqqa salǵandar — áıel adam men onyń qyzy. Olar sol «Zabota» pansıonatynda jumys іstegen.
Aızada Júsіpova mundaı jaǵdaıda erіktіler uıymy tek joǵalǵan adamdy taýyp, quqyq qorǵaý organdaryna tabystaıtynyn, árі qaraıǵy іs olardyń quzіretіne jatpaıtynyn atap óttі.