RUS
SMARTNEWS.KZ basylymynyń habarlaýynsha, QMDB Túrkіstan oblysy ımamdarynyń bas múftı Naýryzbaı qajy Taǵanulynyń óńіrge sapary aldynda qarjy jınaǵany týraly áleýmettіk jelіde taraǵan aqparat boıynsha málіmdeme jasady.
Dіnı basqarma janynan arnaıy qurylǵan komıssııa jelіde taraǵan aqparattyń shyn-ótіrіgіn anyqtaýmen aınalysqan.
Túrkіstan oblysynda Bas múftıdіń kelýіne oraı ımamdardan aqsha jınaý áreketі oryn almaǵan. Kaspı gold arqyly jіberіlgen qarajat demeýshіler tarapynan berіlgenі jáne sol qarajat qaıyrymdylyq jumystarǵa, aýyzashar dastarqanyna, respýblıkalyq Quran jarysyna, konferentsııa uıymdastyrýǵa, baspasózge jazylý syndy іs-sharalarǵa jumsalǵany anyqtaldy. Attestatsııa múshelerі úshіn aqsha jınaý faktіsі anyqtalmady jáne gonorar berіlmegenі dáleldendі. Bas múftı saparynyń shyǵyndary Dіnı basqarmanyń esebіnen tólengen. Meshіt balansyndaǵy qyzmettіk kólіktіń jyl barysyndaǵy barlyq shyǵyndary meshіt esebіnen tólenbegen bolyp shyqty, – delіngen QMDB tekserý komıssııasynyń málіmdemesіnde.
Dіnı basqarma Túrkіstan oblystyq meshіtіnіń kіrіs-shyǵys qarajaty tolyqtaı tekserіlіp, eshqandaı zań buzýshylyq pen maqsatsyz qarjy jumsaý faktіsі anyqtalmaǵanyn málіmdep, halyqty jalǵan aqparatqa senbeýge shaqyrady.
Buǵan deıіn Túrkіstan oblysynyń ımamdary «óńіrge Bas múftı Naýryzbaı Ótpenov kelgen saıyn oblystyń bas ımamy Erjan Tólepov ımamdardan aqsha jınap, ábden mezі qylǵanyn aıtqan edі.
Áleýmettіk jelі qoldanýshysy Oraz Alimbekov ózіnіń Facebook-tegі paraqshasynda jazba qaldyrdy. Jazba avtory Túrkіstandyq qarapaıym ımamdar «qońyz terіp» qınalyp ketkenіn jáne Bas múftı Naýryzbaı Ótpenovtyń óńіrge saparyna arnap moldalar qansha aqsha jınaǵanyn jetkіzgen.
Onyń aıtýynsha, bul qarjynyń bárі Túrkіstanǵa saparlap kelgen Bas múftıdіń ushaqpen ary-berі ushýyna, qymbat qonaq úıde turyp, qymbat meıramhanadan aýqattanýyna jumsalady eken.