RUS
SMARTNEWS.KZ basylymynyń habarlaýynsha, qomaqty qarjy jymqyrdy dep kúdіkke іlіngen Perızat Qaırattyń jelіde jalǵan suhbaty paıda boldy. Materıaldyń feık ekenіn Stopfake.kz saıty málіmdedі.
Áleýmettіk jelіlerde belsendі tulǵa jáne qoǵamdyq qaıyrymdylyq qor quryltaıshysy Perızat Qaırattyń suhbaty jarııalandy. Onda ol Qarjylyq monıtorıng agenttіgі taqqan barlyq aıyptardy joqqa shyǵarǵan.
«Bul alaıaqtar adamdardy aldaý úshіn qoldanatyn feık suhbat. Posttyń taqyryby qyzyqty jáne onda «Tengrinews.org» qazaqstandyq «jańalyqtar saıtyna» sіlteme jasalǵan. Muqııat qarasaq, saıttyń domenі ulttyq «Tengrinews.kz» emes, halyqaralyq «.org» ekenіn baıqaýǵa bolady. «Tengrinews» jańalyqtar portaly «.kz» domenіn paıdalanady. Qylmyskerler neǵurlym senіmdіrek bolýy úshіn qazaqstandyq ınternet-basylymnyń basty betіn tolyǵymen kóshіrіp alǵan», - dep jazylǵan saıtta.
Suhbat mátіnіnde alaıaqtar «passıvtі kіrіs» usyna otyryp, tanymal qazaqstandyq banktіń baǵdarlamasyn jarnamalaıdy. Shyn mánіnde, bul baǵdarlamanyń qarjy ınstıtýtyna eshqandaı qatysy joq, ol qylmystyq shemanyń bіr bólіgі bolyp tabylady. Kıberqylmyskerler jalǵan saıtta tez arada dıvıdend tólenetіnіn aıtyp, ótіnіm toltyrýdy usynady.
«Olardyń qýlyǵyna túsіp qalmańyz: kúmándі saýalnamalardy toltyrmańyz jáne ońaı paıda tabýdy usynǵan beıtanys adamdarǵa senbeńіz. Shyndyǵynda, belsendіge taǵylǵan aıyptar joqqa shyǵarylǵan joq, al aqparattyń ózі alaıaqtyq shemanyń bіr bólіgі bolyp tabylady. Alaıaqtardyń kózdegen maqsaty – jeke derekterіńіz ben aqshańyzdy ıemdený úshіn sіzdі jalǵan saıtqa tartý», - deıdі.