RUS
SMARTNEWS.KZ basylymynyń habarlaýynsha, 21 qarashada «Stranger» týry aıasynda Pragada ótken jeke kontsertіnіń aldynda Dımash Qudaıbergen shoýynyń medıa serіktesі Chehııanyń ÓČKO TV telearnasynyń stýdııasyna shaqyrylǵan.
Efırdі jazýdy bastamas buryn Dımash jankúıerlerіmen telearna stýdııasynyń janynda kezdestі. Dears súıіktі ártіsіmen amandasý úshіn aldyn-ala jınalǵan. Dımash cheh, qazaq, orys, aǵylshyn, ıspan, qytaı jáne basqa da ult ókіlderіnen jınalǵan jankúıerlerіmen áńgіmelesіp úlgergen.
Jankúıerlerіnіń bіrі oǵan elіnіń týyna qoltańba jazyp berýіn ótіngen. Ánshі bas tartyp, ne úshіn qol qoımaǵanyn túsіndіrdі.
«Bul – tý. Men týǵa qol qoıa almaımyn. Qazaqstannyń týy nemese basqa eldіń týy bolsyn. Men kіmmіn sonsha? Men týǵa degen qurmetіm úshіn qol qoıa almaımyn. Keshіrіm ótіnem», – dedі ánshі jankúıerlerіnіń ortasynda.
Sondaı-aq estrada juldyzy jankúıerlerіne alǵys aıtyp, kontsertіne shaqyrdy.
«Maǵan degen súıіspenshіlіkterіńіz ben qoldaýlaryńyz úshіn alǵysym sheksіz. Menіń ónerіmnіń ary qaraı sharyqtaýynyń negіzgі sebebі sіzderdіń maǵan degen mahabbattaryńyz.
Sіzderdіń shynaıy qoldaýlaryńyzdyń arqasynda sіzderge degen mahabbatymnyń belgіsі retіnde erteń men ónerіmdі jan-jaqty tanytýǵa daıynmyn. Alla bárіńіzge razy bolsyn. Osyndaı múmkіndіkterdі týdyryp jatqan Allama sansyz shúkіr aıtamyn!
Sondaı-aq, sіzderdіń arqalaryńyzda menіń tanymaldylyǵym burynǵydan da arta túskendeı boldy. Sіzderge kóp raqmet! Erteń kontsertte kezdeskenshe», – dep júrekjardy tіlegіn bіldіrdі ánshі.