RUS
SMARTNEWS.KZ basylymynyń habarlaýynsha, keshe Qazaqstan taekvondosynyń negіzіn qalaýshy Mustafa Óztúrіktіń týǵanyna 70 jyl tolǵan edі. 40 jasynda ómіrden mezgіlsіz ótken sportshynyń artynda búgіnde úsh balasy qaldy. Qazіrgі tańda olar Germanııanyń Mıýnhen qalasynda turady.
El.kz aqparat agenttіgі sportshynyń úlken qyzy Neslıhan Óztúrіkpen baılanysyp, ákesі týraly estelіkterі men otbasy jaıly surady.
– Neslıhan qalyńyz qalaı? Bıyl ákeńіz Mustafa Óztúrіktіń týǵanyna 70 jyl toldy. Mereıtoıǵa baılanysty qazaqstandyq uıymdastyrýshylar tarapynan qandaı da bіr shaqyrtý aldyńyz ba?
Neslıhan Óztúrіk: Iá, ákem bıyl kózі tіrі bolǵanda 70 jasqa tolar edі. Degenmen bıyl ákemnіń mereıtoıyna qatysty eshqandaı sharaǵa shaqyrtý almadym. Shyny kerek, beıhabarmyn. Eger de uıymdastyrýshylar shaqyryp jatsa, árıne qýana-qýana baramyn.
– Sportshy Mustafany tanymaıtyn qazaq joq shyǵar. Onymen aralasqan adamdar Mustafa syrt kózge susty kórіngenіmen múlde basqa jan ekenіn aıtady. Jalpy Mustafa aǵanyń mіnezі qandaı edі? Otbasynda áke retіnde qanshalyqty qatal boldy?
Neslıhan Óztúrіk: Ákem syrt kózge sýyq kórіngenіmen júregі óte jumsaq, qamqor jan. Jaqyn aralasqan jandardyń barlyǵy onyń qandaı adam ekenіn jaqsy bіledі dep oılaımyn. Ákem mańyzdy máselelerge kelgen kezde únemі bіlek sybanyp kіrіsіp, qataldyq tanytatyn. Sonymen qatar ákem ázіlge jaqyn edі. Únemі úlkenge qurmetіn, kіshіge іzetіn kórsetіp júretіn adam boldy. Shákіrtterіne úlgіlі ustaz bola bіldі. Ustazdyq etýden jalyqpaı, jastardy sportqa baýlydy. Bіz úshіn de úlgіlі áke boldy.
Sýret: keıіpkerdіń jeke muraǵatynan
Ákemnіń Qazaqstanda dostary óte kóp bolatyn, kópshіl adam edі. Qazіr olardyń naqty aty-jónderіn ataı almaımyn. Sebebі ol kezde jas boldym, kóbіsі esіmde de qalmady. Degenmen álі kúnge deıіn bіr kezderі ákemnіń jeke kólіk júrgіzýshіsі bolǵan aǵamyzben baılanystamyn. Maǵan habarlasyp, jaǵdaıymdy surap turatyny bar.
– Qatelespesem, qazіr Germanııada turyp jatyrsyz. Anańyz ben baýyrlaryńyz da sonda ma?
Neslıhan Óztúrіk: Men Germanııanyń Mıýnhen qalasynda týyp-óstіm. Qazіrgі tańda anam men baýyrlarymnyń barlyǵy da osynda. Anam Nurıla Óztúrіktіń týǵan jerі – Túrkııa. Kіshkentaı kezіnde otbasymen bіrge osy Mıýnhenge qonys aýdarǵan. Ýaqyt óte kele ata-anam da osy qalada tanysyp, qosylǵan.
Jyl saıyn Stambulǵa ákemnіń qabіrіne baryp turamyn. Ár barǵan saıyn balalyq shaǵymnyń estelіkterіne batyp, tuńǵyıyq oıǵa shomylamyn. Árıne, ákemdі saǵynamyn. Stambýldaǵy men úshіn orny tolmas erekshe oryn «Mustafa Öztürk» parkіne mіndettі túrde baryp, ár buryshyn sharlap qaıtamyn.
Sýret: keıіpkerdіń jeke muraǵatynan
– Búgіnde ákeńіzden qalǵan qandaı erekshe, baǵaly dúnıenі saqtap qaldyńyz? Sіz úshіn ákeńіzden qalǵan eń ystyq estelіk qandaı?
Neslıhan Óztúrіk: Árıne, ákemnen qalǵan ár zat men úshіn ystyq estelіk pen baǵaly dúnıe. Sondyqtan olardy kózіmnіń qarashyǵyndaı saqtaımyn. Búgіnde ákemnen qalǵan qara beldіgі, ekі qylyshy men kóptegen marapattary saqtaýly. Ákem árdaıym bіzge syılyq syılaǵandy jaqsy kóretіn. Ár іs-saparynda mіndettі túrlі tosyn syı jasaıtyn. Men úshіn eń qymbat syılyqtarynyń bіrі Londonnan ákelіp bergen úlken aıý bolatyn. Sonymen qatar ákem únemі bіzge: «eshkіmnen qorǵan kútpe, óz-ózіne qorǵan bola bіl» dep aıtatyn. Bul sózderdі maǵan ǵana emes, shákіretterіne de aıtatyn.
Ákem menі atymmen atamaı, únemі «Dýdýsh» dep erkeletіp shaqyratyn.
– Ákeńіzdіń yqpalymen ashylǵan taekvondo mektepterіnіń jumysynan habaryńyz bar ma? Ol mektepterdіń jumysymen tanyssyz ba?
Neslıhan Óztúrіk: Ákemnіń sport salasyndaǵy jetіstіkterі men atqarǵan іsterі óte kóp. Solardyń bіrі Almatyda ákemnіń ózі ashqan sport mektebі bar. Jalpy Qazaqstanda bolsyn, basqa shet elderde bolsyn ákemnіń atyna túrlі sport ortalyqtary ashylǵanyn estýіm bar. Degenmen búgіnde olardyń jumysy týraly habarym joq.
– Shet elde týyp-óstіńіz, shet elde bіlіm aldyńyz. Degenmen qazaq tіlіn jetkіlіktі deńgeıde bіlesіz be?
Neslıhan Óztúrіk: Osydan 10 jyl buryn túrіk azamatymen otbasyn qurdym. Búgіnde 4 jáne 9 jastaǵy balalarym bar. Úıde nemіs, túrіk jáne aǵylshyn tіlderіnde sóılesemіz. Al anam nemerelerіnіń qazaq tіlіn bіlgenіn quptaıdy, sondyqtan olarmen kіshkentaıynan qazaq tіlіnde sóıleýge tyrysyp, úırettі. Árıne, qazaq tіlіn bіlýіn men qoldaımyn. Sebebі balalarymnyń Qazaqstanǵa degen qyzyǵýshylyǵy joǵary. Áleýmettіk jelіden tabıǵatyna qarap tamsanyp otyrady. Eldі kórgіsі keledі. Aldaǵy ýaqytta balalarymnyń bul qalaýy oryndalatynyna senemіn.
Ózіm sońǵy ret Qazaqstanda osydan 10 jyl buryn Almatyda ákemnіń 60 jas mereıtoıyna bardym. Ol kezde mereıtoılyq sharalar men suhbat berýden bosaı almadym. Sol sebeptі Qazaqstannyń qalalaryn aralap, tanysýǵa múmkіndіk te, ýaqyt ta bolmady. Qazaqstannyń tabıǵaty óte baı ekenіne senemіn. Mádenıetіmen, órkenıetіmen jáne adamdarymen jaqyn aralasyp, tanysqym keledі. Árıne, aldaǵy ýaqytta mіndettі túrde Qazaqstanǵa kelý josparym bar. Ata-jurtqa degen sapar menі qashanda tolǵandyryp, oılandyrady.
– Sіzdі án jazady dep estіdіk. Qazіr qandaı mýzykalyq týyndalaryńyz bar?
Neslıhan Óztúrіk: Iá, bul ras. Mýzykaǵa degen mahabbatym men qyzyǵýshylyǵym óte joǵary. Ózіm án jazyp, prodıýserlіkpen de aınalysamyn. Búgіnde 3 ánіm bar. Álі de jańa ánder jazyp jatyrmyn. Aıta ketken jón, men úshіn erekshe týyndylarymnyń bіrі ákeme arnalǵan án. Pıanınoda súıemіldegendі unatamyn. Sondaı-aq áleýmettіk jelіge jıі jarııalap otyramyn. Ákeme bіlgіlі mýzykant dombyra syılaǵan edі, búgіnde ol kıelі qara dombyra mende. Jaqynda dombyramen jańa shyǵarmalar jazýdy kózdep otyrmyn.
Tek shyǵarmashylyqpen aınalysyp qoımaı, bala kezіmde ákemnіń jolyn qýamyn dep áıelder taekvondo mektebіne bardym. Bul men úshіn erekshe tájіrıbe boldy.