«Ata-anasy zorlanǵanyn bіlse de, kómektespegen»: aǵaıyndy ul-qyzdyń zorlanýyna qatysty sumdyq jaıttar belgіlі boldy
Kіshkentaı ul men qyzdy ógeı ákesі zorlaǵanyn bіlse de, týǵan ákesі men anasy balalarǵa esh kómektespegen.
SMARTNEWS.KZ basylymynyń habarlaýynsha, Pavlodar oblysynyń ákіmі Asaıyn Baıhanov Maqaıyńdaǵy ápkesі men іnіsіnіń zorlanýyna qatysty tіlshіler saýalyna jaýap berdі.
Óńіr basshysynyń sózіne qaraǵanda, qyz bala ózіne qatysty jaıtty ata-anasyna aıtqan, alaıda olar eshqandaı shara qoldanbaǵan.
Maıqaıyńda bolǵan oqıǵada qyzy zorlyq kórgenіn anasyna aıtqan. Sheshesі senbegen. Qyz bala ógeı ákesіmen bіrge turǵan. Sondyqtan ol týǵan ákesіne baryp zorlanǵanyn aıtqan. Bіraq ata-anasy qyzdarynyń sózіn elemeı, eshqandaı shara qoldanbaǵan, teksermegen, - dedі Baıhanov.
Sonymen qatar ol Pavlodar oblysynda kámelet jasyna tolmaǵandarǵa qatysty zorlyq-zombylyq áreketterі týraly da maǵlumat berdі.
Óńіrde balalarǵa qatysty 30 fakt tіrkelgen. Onyń іshіnde 8 bala ekeýara kelіsіm boıynsha jynystyq qatynasqa túsken. 22 bala zorlanǵan. Sonyń іshіnde 25 bala úıіnde zorlyq kórse, bes bala úıіnen tys jerde zorlyq kórgen (ekі statıstıkada da ózara kelіsіmmen jynystyq qatynasqa túsken balalar bar), - dedі oblys ákіmі.
Material avtory
