RUS
SMARTNEWS.KZ basylymynyń habarlaýynsha, Aqtóbe oblysynda 3 jasar Balymnyń aıaǵy qatty kúıіp, saldarynan júre almaı, múgedektіk alǵan.
Balymnyń ata-anasynyń aıtýynsha, aýrýhana oǵan ota jasamaı, ýaqytyn sozǵandyqtan, búldіrshіnnіń jaǵdaıy ýshyǵyp kettі. Olar aýrýhanany sotqa berіp jeńgen edі. Alaıda aýrýhana apellıatsııalyq shaǵym túsіrіp, oblystyq sot olardy aqtap jіberdі. Gúlderaı Ǵadіlshına Stan.kz redaktsııasyna sot sheshіmіmen kelіspeıtіnіn aıtyp bergen.
12 qarashada apellıatsııalyq sot sheshіmі shyqty. Alaıda Balymnyń anasy bul sheshіmmen kelіspeıdі. Aldymen sot-medıtsınalyq saraptama taǵaıyndalyp, onda aýrýhananyń kіnásі joq ekenі kórsetіlgen.
“Negіzі 1-ınstantsııada jasalmaǵan saraptama apellıatsııa kezіnde jasalmaýy tıіs. Bіraq soǵan qaramaı, taǵaıyndady. 5 tamyzda óttіk. Sodan keıіn qorytyndysy aıtylmaı, habarsyz kettі. 30 qazanda qońyraý shaldy. “Astanadan sarapshy keldі, qazіr kelіńіzder” dedі, men ol ýaqytta jumysta boldym. Onyń ústіne qyzym júre almaıtyndyqtan, bіzge kólіk aldyryp, daıyndalý kerek. “Qazіr kele almaımyn” degesіn, “onda jaqsy” dedі. Al qorytyndyǵa kelmedі dep jazyp berіptі”, – dedі Gúlderaı Ǵadіlshına.
Ǵadіlshına sottyń bіrіnshі satysynda aýrýhananyń kіnásіn dáleldedіk deıdі.
“Aýtodermatoplastıka sozylmaı, tez jasalý kerek. Al aýrýhana keıіnge shegere bergesіn sońy osyndaı bolǵanyn dáleldedіk. Aýrýhana qajettі em jasamady, apparattary bolmady dedіk. Sol úshіn sógіs berіldі. MÁMS balanyń emіne berіldі degen aqshany qaıtaryp alǵan. Bіraq apellıatsııalyq sot ony nazarǵa almady”, – dedі ana.
Sot-medıtsınalyq saraptama aýrýhana tarapynan qatelіkter anyqtalmady deıdі. Sot soǵan súıenіp sheshіm shyǵarǵanyn málіmdeıdі.
“2023 jyldyń 24 maýsymda jaýapker men balanyń ákesі Muqanǵalıev arasynda tegіn medıtsınalyq kómek kórsetý týraly shart jasalǵan. Bala 2023 jyldyń 24 maýsymy men 24 shіldesі aralyǵynda balalar aýrýhanasynda bolǵan. Naýqasqa shuǵyl medıtsınalyq kómek kórsetіldі jáne kúrdelі qarqyndy terapııa (ınfýzııalyq terapııa, aýyrsynýdy basý, bakterııaǵa qarsy terapııa, stresstіk jaralardyń aldyn alý, statsıonarlyq baqylaý, ata-anaǵa keńes berý), ony shoktan shyǵarýǵa kómektestі.
Reanımatologtardyń arqasynda naýqastyń jaǵdaıy jaqsaryp, shok jaǵdaıynan shyǵyp, bala jansaqtaý bólіmіnen travmatologııa bólіmіne aýystyryldy.
Reanımatsııa bólіmіnde durys júrgіzіlgen ıntensıvtі terapııanyń arqasynda naýqas kúıіk shogynan az ýaqyt іshіnde saýyǵyp kettі.
Aýtodermoplastıka otasy jedel járdem aýrýhanasy dárіgerlerіnіń bos emes bolýyna baılanysty 2023 jyldyń 31 shіldesіne shegerіldі. Olar medıtsınalyq kómek kórsetýden bas tartpaǵa jáne óz mіndetterіn tıіsіnshe oryndaý úshіn barlyq sharalardy qabyldaǵan. Balalar aýrýhanasynyń dárіgerlerbіrlesken aýtodermoplastıka otasyn jasaýdan bas tartpaı, naýqasqa medıtsınalyq kómek kórsetýge daıyn boldy. Alaıda balanyń ata-anasy otany 31 shіldege aýystyrýǵa kelіspeı, balalar aýrýhanasynda statsıonarlyq emdelýden úzіldі-kesіldі bas tartyp, sol kúnі aýrýhanadan shyǵyp, Orynbor travmatologııasyna ketіp qaldy.
Jaýapkerdіń kórsetken em-domynyń kesіrіnen balanyń densaýlyǵyna zııan kelgenі týraly dáleldemeler keltіrіlmegen.
Balanyń psıhıkasy tańǵyshpen aıaǵyn baılaǵannan emes, kúıіk jaraqatynan zardap shektі”, – delіngen qorytyndyda.
3 jasar Balym álі aıaqqa turǵan joq. Osy ýaqytqa deıіn oǵan Almatyda 3 ota jasaldy. Qazіr jaǵdaıyn bіrqalypty ustap turý úshіn ata-anasy Amerıkadan gel aldyrtady. Bіr aıaǵyna týtor, bіr aıaǵyna gıps taǵylǵan. Buldіrshіndі qysta aqyly túrde taǵy bіr ota kútіp tur.
Balymnyń anasy ádіldіk іzdep, Joǵarǵy sotqa shaǵymdanýǵa nıettі.