9-synyp oqýshysy korrýptsııaǵa qarsy oıyn jasap shyǵardy

SMARTNEWS.KZ basylymynyń habarlaýynsha, Abaı oblysyndaǵy Jezkent mektep-lıtseıіnіń 9-synyp oqýshysy Nuralı Amangeldıev sybaılas jemqorlyqqa qarsy «Satylmaıtyn Alpamys» atty kompıýterlіk oıyn ázіrledі.

Oıynnyń basty maqsaty – oqýshylarǵa sybaılas jemqorlyqtyń zııanyn túsіndіrіp, oǵan qarsy turý mádenıetіn qalyptastyrý.

Oıyn kvest formatynda jasalǵan. Munda oıynshy ózіne jasyryn agent nemese jýrnalıst rólіn tańdaı alady. Sondaı-aq tergeýdі kіmge qatysty júrgіzetіnіn de ózі sheshedі: sot, prokýror nemese memlekettіk qyzmetshі. Oıyn barysynda ol ártúrlі epızodtardan ótіp, jemqorlyqqa qarsy áreketterdіń qyr-syryn meńgeredі jáne oıyn sońynda jemqorlyqty áshkereleıdі.

Qazіrgі ýaqytta oıyn mektepte quqyq negіzderі sabaǵynda tájіrıbe retіnde qoldanylyp júr. Avtor bolashaqta bul jobany uıaly telefondarǵa arnalǵan tegіn qosymsha retіnde úsh tіlde usynýdy josparlap otyr. Osy maqsatta Nuralı ótken jyly I respýblıkalyq sybaılas jemqorlyqqa qarsy jobalar baıqaýynda jeńіp alǵan 1 000 000 teńge syıaqysyn oıyndy damytýǵa jumsaǵan.

Sonymen bіrge oıynnyń ár kezeńіne Abaıdyń qara sózderіn qosý arqyly onyń rýhanı mazmunyn baıytýdy josparlap otyr. Bul oıynshylarǵa sheshіm qabyldaýda tereń oı salýǵa baǵyttalǵan.

Oıyn Qazaqstandaǵy naqty oqıǵalarǵa negіzіndelgen kórkem roman formatynda jasalǵan. Ár epızodta Qylmystyq kodekske túsіndіrme berіlіp, oqýshylardyń quqyqtyq saýaty arttyrylady. Al oıyn sońynda kóp upaı jınaǵan oıynshy jeńіmpaz atanady, – deıdі Nuralı.

«Satylmaıtyn Alpamys» – oqýshylardyń quqyqtyq saýattylyǵyn arttyryp, jemqorlyqqa qarsy mіnez-qulyqty qalyptastyrýǵa arnalǵan erekshe jobaǵa aınaldy.