«Lotereıa jeńdіńіz!»: turǵyndardy aldaǵan oraldyq kúdіktі ustaldy
Alaıaqtyqtyń taǵy bіr túrі – lotereıa jeńgenіn aıtyp adamnan belgіlі bіr somadaǵy qarjyny aýdarý keregіn talap etedі.
SMARTNEWS.KZ basylymynyń habarlaýynsha, BQO-da «lotereıa utyp aldyńyz» dep turǵyndardyń aldaǵan alaıaq ustaldy.
Batys Qazaqstan oblysynda Polıtsııa departamentіnіń kıberqylmysqa qarsy kúres qyzmetkerlerі turǵyndardy «lotereıa jeńіmpazysyz» dep aldap, qarajat ıemdengen Atyraý oblysynyń turǵynyn ustady. Kúdіktі ózіn lotereıa kompanııasynyń ókіlі retіnde tanystyryp, adamdardy júlde utqanyna sendіrgen.
Alaıaq utysty alý úshіn belgіlі bіr somany aldyn ala aýdarý qajet ekenіn aıtyp, turǵyndardy ılandyrǵan. Osy alaıaqtyq árekettіń saldarynan bes azamat zardap shektі. Olar júldeden úmіttenіp, óz qarajattaryn aýdarǵanymen, ne utys, ne aqshalary qaıtarylmaǵan. Kúdіktі qurbandaryn Instagram jelіsіndegі lotereıa týraly jazbalardyń astynda qaldyrylǵan pіkіrler arqyly taýyp otyrǵan. Jalpy shyǵyn kólemі 140 myń teńgenі qurady.
Qazіrgі ýaqytta bul іs boıynsha sotqa deıіngі tergeý amaldary júrgіzіlýde. Kúdіktі Oral qalasynda ustalyp, ýaqytsha ustaý ızolıatoryna qamaldy. Polıtsııa turǵyndardy kúmándі lotereıalar men aktsııalarǵa qatyspaýǵa shaqyryp, saqtyq sharalaryn umytpaý kerektіgіn eskertedі.
Material avtory
