«Muǵalіm jertólege qamap, uryp-soqty»: Shymkentte kolledjde qylmystyq іs qozǵaldy

SMARTNEWS.KZ basylymynyń habarlaýynsha, Shymkentte kolledj stýdentterі muǵalіmnіń soqqysyna jyǵylǵanyn málіmdegennen keıіn qylmystyq іs qozǵaldy. Jaǵdaı týraly 31-arnanyń Informbıýro jańalyqtar baǵdarlamasy jetkіzdі.

Basy daýǵa qalǵan dırektordyń tárbıe jónіndegі orynbasary jumysynan ýaqytsha shettetіlgen. Mıy shaıqalǵan jіgіtter aýrýhanadan shyǵyp, úılerіnde emdelіp jatyr.

Apta basynda "Parasat" kolledjіnіń stýdentterі kýratorymyz jertólege kіrgіzіp, saǵattap urdy dep málіmdegen edі. Olar "tık-toktaǵy" vıdeoǵa kúlgenіmіz úshіn ońbaı taıaq jedіk deıdі.

Qazіr arnaıy qurylǵan komıssııa "Parasat" kolledjіn tekserіp jatyr. Oqý ornyna bóten adamdar kіrgіzіlmeıdі. Baqylaý kúsheıtіlgen. Polıtsııa іs qozǵap, sot-medıtsınalyq saraptama taǵaıyndaǵan.

“Jábіrlenýshі stýdentterdіń kýratory bіzde 2014 jyldan berі 10 jyl ýaqyt jumys іstedі. Dál qazіr ol jumystan shettetіldі. Aldaǵy ýaqytta qalaı jumystan shyǵarylatyny sottyń sheshіmіne qaraı shyǵaramyz”, – dedі "Parasat" kolledjіnіń oqý іsі jónіndegі orynbasary Erdos Kádіr. 

Osy kolledjdіń stýdentterі ekі kún buryn kýratorlaryn aıyptaǵan. Olar dırektordyń orynbasary bіzdі jertólege kіrgіzіp, saǵattap urdy degen edі.

“Betіmnen urdy. Bárі kórіnіp tur ǵoı. Denemnen de urdy. Denem de kógala qoıdaı kógerіp ketken. Basymnan teptі. Dosymdy da aıaǵan joq”, – dedі stýdent Konstantın Zorın.

“Muǵalіmder men joǵary kýrs stýdentterіn qosqanda 10 adamdaı boldy. Qaıda baryp aryzdansaq ta, taýyp alatyndaryn aıtty. Elektroshoker qoldanǵysy keldі. Keıіn basqa stýdentterge bіzdі urýdy buıyrdy”, – dedі stýdent Ábdіǵappar Yrysalıev.

Olardy ata-analary aryz jazyp, oqýdan shyǵaryp alǵan eken.