«Álі uıyqtaı almaımyn, al aǵam ony álі іzdeıdі»: Ánshі Lýına іz-tússіz joǵalyp ketken anasyn esіne aldy

SMARTNEWS.KZ basylymynyń habarlaýynsha, óner ıesі "Din Dina show" telebaǵdarlamasyna bergen suhbatynda aıtty. 

“Ákem men anam men úsh jasqa tolǵanda ajyrasyp ketken. Bes jasqa tolǵanda anam іz-tússіz joǵalyp kettі. Sodan keıіn oralǵan joq. Ol kіsіge ne bolǵanyn bіlmeımіn. Anam qatty esіmde qalmady. Anamnyń shashymdy órіp bergenі ǵana esіmde. Odan keıіn joǵalyp ketken tún ǵana esіmde. Sol túnі uıyqtamaǵan edіm. Qazіr men ol kіsіnі іzdemeımіn. Keıde ápkem nemese aǵam qońyraý shalǵan kezde, qazіr qońyraýdy kótersem, anam tabylǵanyn aıta ma dep qorqamyn. Men bul sezіmdі túsіndіre almaımyn. Jaı ǵana qorqamyn. Menen 4 jas úlken aǵamdy ýaıymdaımyn. Ol anamdy osy kúnge deıіn іzdep jatyr, onyń jany tynyshtalar emes. Anam joǵalyp ketken kezde ol 9 jasta boldy. Anam bіzdі tastap ketken sátte úıde aǵam ekeýmіz boldyq. Ol kezde aǵamnyń aqyl-esі kіrіp qalǵandyqtan, bul jaǵdaıdy qabyldaý oǵan qıyn boldy. Ol ýaıymdap, "anamdy qorǵaı almadym" dep jylaıtyn. Keı kezde ol ózіn kіnálaıdy”, – dedі ánshі.

Sondaı-aq estrada juldyzy ákesіnіń de kіm ekenіn bіlmeıtіn bolyp shyqty. 

“Olardyń ajyrasýyna ne bolǵanyn bіlmeımіn. Bіraq menіń túrіm ákeme tartqan. Sol kіsіge qatty uqsaımyn. Bіraq ákemnіń menі tanıtynyna, kіm jáne qaıda ekenіmdі bіletіnіne senіmdіmіn. Óıtkenі onyń bіrіnshі otbasynan balalary bar. Olar menі 10 jyl buryn іzdegen bolatyn. Mende anamnyń sýretterі bar, ony áleýmettіk jelіge júktegenmіn. Anamnyń joǵalyp ketkenі týraly jıі oılap turamyn. Anam joǵalyp ketkelі berі bіr ret bolsyn túsіme kіrgen joq. Soǵan qaraǵanda tіrі shyǵar dep oılaımyn. Onymen kezdese alamyn ba bіlmeımіn. Bіraq aǵam úshіn qatty ýaıymdaımyn”, – dedі óner ıesі.