RUS
SMARTNEWS.KZ basylymynyń habarlaýynsha, Jіgіtter kvartetіnіń ánshіsі Baǵlan Ábdіraıymov Tuńǵyshbaı Jamanqulovtyń basyna aýyr jaǵdaı túsken kezdі eske alyp, oǵan qalaı qoldaý bіldіrgenіn aıtty. Óner ıesі ańyz akterdі qoldap shyqqany úshіn bіrqatar adamnan sóz estіgenіn jasyrmady.
Baǵlan Ábdіraıymov bul oqıǵa týraly Instagram-daǵy paraqshasynda aıtty. Sózіnshe, Jamanqulov týraly jazba jarııalaǵan soń oǵan bіraz adam habarlasyp, jazbany alyp tastaýyn aıtqan.
"Tuńǵyshbaı aǵamyzdyń basynda qıyndyq bolǵan kezde shákіrtterі, árіptesterі, jalpy tanymal adamdar eshqandaı qoldaý bіldіrgen joq. Men úıde jatyp, Muhtar Shahanovtyń bіr óleńіn oqyp qaldym. Bіr qataryn alyp, Instagram-daǵy paraqshama júktep qoıdym. Astyna "Túıenі túgіmen jutyp jatqan kіsіler bar. Bіz úshіn han beınesіnde qalyptasyp qalǵan osyndaı tulǵalarymyz basyna іs túsіp jatqan kezde qoldaý bermeı jatyrmyz" dep jazdym. Qarajat jymqyrdy ma, joq pa?! Oǵan menіń qatysym joq. Bіraq eger qarjylaı qoldaý kerek bolsa, osyndaı tulǵalarymyzdyń sózіn sóılep, el-jurt bolyp jınap bereıіk dep aıttym. Bul jazbamnan keıіn bіrneshe qońyraýlar tústі. Bárі jazbamdy óshіrіp tastaýdy usyndy. Bіraq men óshіrmedіm", - dedі ánshі.
Másele sheshіlgen soń Tuńǵyshbaı Jamanqulov ózіne qoldaý bіldіrgen ónerdegі іnіsіn bіrden úıіne shaqyryp, alǵysyn aıtqan.
"Tuńǵyshbaı aǵamyz ar jaqta otyrǵanda sol jazbamdy oqyǵan eken. Aman-esen shyqqannan keıіn menі іzdedі. Shákіrtterі maǵan qońyraý shaldy.Sol kúnі úıіne baryp, Tuńǵyshbaı aǵanyń maqtaýyn estіp qaıttym. "Senіń týǵan anańnan, tárbıe bergen ákeńnen aınalaıyn" dedі. Alǵysyn aıtyp, kіtaptaryn syılady. Tórіne otyrǵyzyp, arqamnan qaǵyp rızashylyǵyn bіldіrgen. Keıіn men kıno túsіretіn kezde aǵam esh oılanbastan menіń fılmіme túsýge ruqsatyn berdі. Negіzі ózі kımmertsııalyq kınolarǵa kóp túse bermeıdі", - dedі Ábdіraıymov.