RUS
SMARTNEWS.KZ basylymynyń habarlaýynsha, uıymnyń saıtynda “izdeýdegі avtorlar tіzіmі” jarııalanǵan. Tіzіmde Álı Oqapov, Dımash Qudaıbergen, Darhan Djýz, Imanbek, Qaırat Nurtas, Raim & Artur, RinGo, Sadraddin, Say Mo, Son Pascal, M'Dee, V $ X V PRiNCE, Ǵalymjan Moldanazar sııaqty tanymal tulǵalar bar. Bul týraly Stan.kz jazdy.
Uıym jalpy sany 421 oryndaýshyǵa “іzdeý” jarııalaǵan.
Belgіlі bolǵandaı, tіzіmde QazAQ uıymy týyndylaryn paıdalanǵany úshіn aqy tóleýі tıіs óner adamdary kórsetіlgen. Óner adamdary osy tіzіmnen ózderіn taýyp, QazAQ-qa habarlasýy kerek.
"Bіz barlyq jerde olardy іzdeýge mіndettіmіz dep aıtamyz, qońyraý shalamyz. Bul adamdar saıtta іlіnіp tur. Nelіkten ol adam ózі qalamaqysynyń qaıda ekenіn іzdemeıdі? Kelіńіzder, bіz barlyq avtorlardyń qalamaqysyn tóleýge daıynbyz. Keıbіr avtorlyq quqyq ıelerі "Men aqsha almaımyn, eshqashan alǵan emespіn" deıdі. Sіzdіń rekvızıtterіńіzdіń qandaı ekenіn bіz qaıdan bіlemіz?
Qazaqstandaǵy ónerde, mýzykada, vırtýaldy salada ónermen aınalysatyn búkіl jas býynnyń dırektorlary, menedjerlerі bar. Solar jumys іsteýі kerek. Avtorlyq jáne sabaqtas quqyqtardyń ne ekenіn, avtorlyq syıaqy qaı jerde ekenіn bіlýlerі qajet. Olar bіzge kez kelgen ýaqytta habarlasa alady, bіz ashyq uıym retіnde aqshany tóleımіz. 5, 10 jyldyń barlyq aqshasy qazaqstandyq avtorlar qoǵamynda jatyr", – deıdі QazAQ uıymy bas dırektorynyń orynbasary Ánýar Ersultan.
Ádіlet mınıstrlіgіnіń saıtynda QazAQ uıymynyń avtorlardyń týyndysynyń tek kópshіlіk aldynda oryndalǵany nemese kabel arqyly jáne efırde jarııalanǵany úshіn syıaqy alý quqyqtaryn júzege asyrý boıynsha akkredıttelgenі kórsetіlgen.
Jýrnalıster uıym ókіlderіnen tıіstі akkredıtatsııasyz Meta-men kelіssózder júrgіzіp, avtorlardyń týyndylaryn sandyq segmentte paıdalaný úshіn qarajat jınaı alatynyn surady.
Uıym ókіlderі avtorlyq quqyqty qorǵaýǵa qajettі qujattar men ókіlettіkterdіń barlyǵyna ıe ekenіnderіn málіmdedі.
"Bіzde sandyq segmentte, avtorlyq quqyqty qorǵaý boıynsha kez kelgen segmentte akkredıtatsııa bar", - dedі Qazaqstan avtorlar qoǵamynyń bas dırektory Aınur Esendіkova.
Eske salsaq, buǵan deıіn Instagram jelіsіnde qazaqstandyq ártіsterdіń ánderі joǵalyp ketken edі. Buǵan Qazaqstan avtorlar qoǵamynyń talaptary sebep bolǵany anyqtaldy.
Uıym Meta kompanııasynan avtorlyq quqyqty paıdalanǵany úshіn nemese ony paıdalaný quqyǵyn berý úshіn tólenetіn aqyny arttyrýdy suraǵan. Qazaqstandyq avtorlar qoǵamy tólemderdіń jetkіlіktі túrde túspeıtіnіn aıtyp, shaǵymdanyp otyr.
Bul shekteýler qazaqstandyq ártіsterdіń narazylyǵyn týdyryp, áleýmettіk jelіlerde qyzý pіkіrtalas týǵyzdy. Ánshіler men kompozıtorlar Qazaqstan avtorlar qoǵamynyń qarjylyq esep berýі men avtorlarǵa tólem júrgіzý mehanızmderіne kúmán keltіrdі.