RUS
Qazaqstannyń, Keńes Odaǵynyń Halyq ártіsі, Halyq Qaһarmany, QR Memlekettіk syılyǵynyń ıegerі, áıgіlі kompozıtor, dırıjer, kúıshі Nurǵısa Tіlendıev 100 jyldyǵyna oraı Roza Baǵlanova atyndaǵy «Qazaqkontsert» memlekettіk kontsert uıymynyń úlken zalynda «Otyrar sazy shaqyrady!» kontsertі óttі.
Sahna tórіnde Almaty qalasynan «Otyrar sazy» Nurǵısa Tіlendıev atyndaǵy akademııalyq folklorlyq-etnografııalyq orkestrі jáne Astana qalasynan Erkeǵalı Rahmadıev atyndaǵy memlekettіk akademııalyq fılarmonııasynyń sımfonııalyq orkestrі óner kórsetіp, kópshіlіktіń ystyq yqylasyna bólendі.
Elorda turǵyndary men qonaqtary ekі orkestrdіń jáne E. Rahmadıev atyndaǵy memlekettіk akademııalyq fılarmonııasynyń Kameralyq horynyń oryndaýynda Nurǵısa Tіlendıevtіń qazaq mýzykasynyń altyn qoryna engen shyǵarmalaryn tyńdady. Sondaı-aq, kórermenderge erekshe shyǵarmashylyq eksperıment usynyldy: kóne qazaq halyq aspaptarynyń únіmen qatar, «Vivo per lei», «The Prayer», «Melodramma», «Remember», «She» jáne «Shındler tіzіmі» fılmіnen kompozıtsııalar oryndaldy.
Budan bólek, QR eńbek sіńіrgen qaıratkerlerі Svetlana Aıtbaeva men Azamat Jyltyrkózov, halyqaralyq jáne respýblıkalyq baıqaýlardyń laýreattary Nurǵalym Amanbaı, Farhat Kýbıev, Tolǵanaı Pazylaqyn, Erbol Tájіbaev, sonymen qatar, dástúrlі án óner ıesі Ózgerіs Sherіkbaı, halyqaralyq baıqaýlardyń laýreaty Fırýza Rahmetova kórermenderge óz ónerіn pash ettі.