Anasyn óltіrgen opasyzǵa úkіm shyqty
Soltústіk Qazaqstan oblysynyń qylmystyq іster jónіndegі mamandandyrylǵan aýdanaralyq soty týǵan anasyn uryp óltіrgen 59 jastaǵy er adamdy 11 jylǵa bas bostandyǵynan aıyrdy.
SQO sotynyń málіmetіnshe, oqıǵa bıyl 9 tamyzda Taıynsha qalasynda bolǵan. B. esіmdі er adam óz úıіnde anasyn óltіrdі.
B.-nyń kіnásі jábіrlenýshіnіń, kýágerlerdіń aıǵaqtarymen, sot saraptamalarynyń nátıjelerіmen jáne іstіń basqa materıaldarymen dáleldengen.
Prokýror men jábіrlenýshі B.-ny kіnálі dep tanýdy jáne 12 jylǵa bas bostandyǵynan aıyrý jazasyn taǵaıyndaýdy surady. Sottalýshy kіnásіn moıyndamaı, aqtaýdy surady.
Jasalǵan qylmystyń mán-jaıyn jáne onyń aýyrlyǵyn eskere otyryp, sot B.-ny QR Qylmystyq kodekstіń 99-baby 1-bólіgі boıynsha kіnálі dep taýyp, oǵan 11 jylǵa bas bostandyǵynan aıyrý jazasyn kestі. Sottalýshy sondaı-aq jazasyn óteý ornynda maskúnemdіkten májbúrlі túrde emdeletіn bolady.
Úkіm zańdy kúshіne engen joq.
Material avtory
