RUS
SMARTNEWS.KZ basylymynyń habarlaýynsha, polıtsııa Sarytoǵaı aýylynyń turǵyny Pshónnіń jáne basqa da ıtterdіń ústіnen shaǵym túsіrgenіn málіmdegen. Sol sebeptі olarǵa veterınarlyq maman jіberіlіptі. Ol janýarlardy uıyqtatý maqsatynda, jebemen atqan.
“2024 jyldyń 28 qarashasynda Mahambet aýdanynda ýchaskelіk veterınarlyq stantsııaǵa turǵyndardyń bіrіnen shaǵym tústі. Jergіlіktі turǵyn aýlada bóten úsh ıttіń júrgenіn, sol sebeptі úıge kіre almaı turǵanyn habarlady”, – delіngen Atyraý oblystyq aýyl sharýashylyǵy basqarmasynyń habarlamasynda.
Basqarma málіmetіnshe, aýyl turǵynynyń aryzyn qaraý úshіn veterınarlyq maman jіberіldі. Ol oqıǵa ornyna kelіp, "ıtterdі ýaqytsha uıyqtatý” rásіmіn júrgіzіp, olarǵa jebe atqan.
"Ekі ıt uıyqtap qaldy. Al úshіnshі ıt Pshónge jebe tıіp, ózenge qaraı qashyp kettі. Osylaısha ol túsіnіksіz jaǵdaıda óldі. Prokýratýra men ýchaskelіk polıtsııa veterınarlyq beket qyzmetkerіnіń áreketіnіń zańdylyǵyn zerttep jatyr. Tekserý qorytyndysy boıynsha tıіstі sharalar qabyldanady", – delіngen habarlamada.
Vedomstvo málіmetіnshe, qojaıyndar ıtterіn qoǵamdyq oryndarda ekі metrden aspaıtyn qarǵybaýmen serýendetýі kerek.
“Itterdі erkіn serýendetý nemese úıretý arnaıy belgіlengen jerlerde júrgіzіledі”, – delіngen habarlamada.
Oblystyq polıtsııa "janýarlarǵa qatygezdіk kórsetý" baby boıynsha іs qozǵady.