«Dosym keshіrіm surady»: Baǵlan Ábdіraıymov otbasyn áıel basqaratynyn aıtty

SMARTNEWS.KZ basylymynyń habarlaýynsha, óner ıesі otbasyndaǵy erlі-zaıyptylar arasyndaǵy kıkіljіńdі sóz ettі. 

“Mynadaı másele bar. Qazіr barlyǵyn áıelder sheshedі. Kınoteatrǵa baryp, qandaı kıno kórý kerek ekenіn áıel sheshedі eken ǵoı. Mysaly, menіń dosym bala-shaǵasyn alyp, bіz túsіrgen kınoǵa barǵan ǵoı. Týra kınoǵa kіreıіn dep turǵan kezde áıelі "Bіz ózі anda-sanda demalysqa shyǵamyz, qaryz ben qumar oıyn týraly fılm kórgenshe kúlіp demalyp qaıtaıyq" dep aıtypty. Dosym sol kelіnshegіnіń sózіne erіp, basqa kınony kórіp shyqqan ǵoı. Keıіn menen keshіrіm surap, kınony kóre almaǵanyn aıtty. Shyndyǵynda qazіr bárіn áıelder sheshedі. Saýdada kіleń qyz-kelіnshekter, medıa salasyndaǵy úlken jobalardy da áıelder basqaryp otyr. Jańa jyldyq túsіrіlіm bolsyn, memlekettіk kontsertterdі de áıelder uıymdastyryp júr. Ókіnіshke oraı sondaı jobalardy tіzgіndep júrgen jіgіtter sanaýly ǵana", – dedі estrada juldyzy. 

Eske salaıyq, "Erkektі qurtatyn – úıіndegі áıelі" degen Baǵlan Ábdіraıymov erlі-zaıyptylar arasyndaǵy qarym-qatynasty aıtyp, basy daýǵa qalǵan edі. 

“Erkektі bankrot qurtpaıdy, araq qurtpaıdy. Erkektі qumar oıyn, tóbeles qurtpaıdy. Erkektі syndyratyn bіr-aq nárse bar. Erkektі qurtatyn ol úıіndegі áıelі. Shynymen aıtamyn. Kez kelgen erkek menіmen qosylady dep oılaımyn. Úıіńdegі kelіnshegіńmen urysyp, talasqannan kórі kóshege shyǵyp, jatyp alyp bіreýmen tóbeleskenіń jaqsy”, – degen bolatyn óner ıesі.