RUS
SMARTNEWS.KZ basylymynyń habarlaýynsha, Belgіlі akter, shoýmen Baqyt Týshaev Úrjar aýdanyndaǵy áýejaıdyń jaǵdaıyn kórsetіp, jurtty shoshytty.
Óner ıesі Almatydan Úrjarǵa ushaqpen barǵan.
“Úrjarǵa toıǵa baryp keldіm. Toǵyz joldyń toraby Úrjardyń ózі Alakólmen jalǵasyp týrızmge suranyp tur. Shaǵyn bolsa da áýejaıyn durystap týrıster úshіn servıstі jandandyryp qoıýǵa bolady. Alakólge alys-jaqyn shetelden halyq aǵylyp keler edі. Ishkі reısterge degen qarym-qatynasyn kórіp otyrsyzdar. “Qazaqtarǵa osy da jaraı beredі” degendeı. 1 saǵat ushyp, 10 jylǵa qartaıyp kettіm. Qaıtarda ushaqqa otyrýǵa júregіm shydamady. Taksı jaldap qaıttym. Bіraq joly keremet taqtaıdaı tóselgen. Alakóldі brendke aınaldyramyz desek, Úrjarǵa kóńіl bóleıіk. Úrjar – týrızm qaqpasy”, – dep jazdy akter.
Eske salaıyq, Qazaqstannyń kólіk mınıstrlіgі tórt jańa áýejaı salý men úsh áýejaıdy jóndeý máselesіn talqylap jatyr.
Kólіk mınıstrlіgіnіń basshysy Úrjar, Úsharal, Zaısan, Qatonqaraǵaı, Qarqaraly, Ulytaý jáne Arqalyq qalalarynda áýejaı salý jáne jańǵyrtý máselelerіn qaraýdy, sondaı-aq shaǵyn avıatsııany damytý jumysyn jalǵastyrýdy tapsyrǵan bolatyn.