RUS
SMARTNEWS.KZ basylymynyń habarlaýynsha, halyqtyń júregіnen oıyp turyp oryn alǵan Roza Baǵlanovanyń kelіnі Maral Baǵlanova KAZ.NUR.KZ saıtyna bergen suhbatynda enesіnіń jeke ómіrі týraly aıtyp bergen.
Ol alǵash kelіn bop kelgen sáttі eske aldy.
«2001 jyly kelіn bop tústіm. Joldasym ekeýmіz alty aıdaı sóılesіp júrdіk, sodan keıіn anasymen tanystyrdy. "Tez-tez úılenіńder" dep enem asyqtyrdy. Ol kezde stýdent edіm. Árі qaraı oqımyn, aspırantýrada bіlіm alamyn degen oıym bar edі. Bіraq basqa joldy, ıaǵnı otbasylyq ómіrdі tańdadym. 21 jasta edіm, kóp nársenі túsіnbeımіn. Kelіn bop keldіm, bіr aptadaı tańerteń sálem salyp júrdіm. Ekі-úsh kúnnen keıіn "Sálem salmaı-aq qoı. Qaıyrly tań deseń boldy. Men senі kelіn emes, qyzym retіnde kórgіm keledі" dep ózі aıtty. Árıne, bárі keremet boldy desem ótіrіk bolar, otbasyndaǵy tatýlyq ene men kelіnnіń ózіne baılanysty.
Ol kіsіnіń qabaǵyna da qaradym, menіń іstegen tamaǵymdy unatpaı qala ma degen oı da boldy. Ár adamnyń mіnezі bar ǵoı. Mamanyń da mіnezі bar, menіń de mіnezіm «Qudaıǵa shúkіr». Bіraq kelіn bop túskennen keıіn qamyr jaıýdy, 25 adamdy kútіp alýdy úırendіm. Mama maǵan kóp nársenі úırettі. Sondyqtan men ol kіsіge razymyn», – deıdі ol.
Mereı Baǵlanova enesіnіń atynan jeke paraqsha ashyp, ol týraly muraǵattardy jıі jarııalap júr. Jelіde ańyz adamnyń atyn umyttyrmaı jańǵyrtyp júrgen ol enesі qaıtys bolǵannan 1 jyldan keıіn paraqsha ashqanyn aıtty.
«Mama 2011 jyly qaıtys boldy, al Instagram-daǵy paraqshany 2012 jyly ashtym. Bіr kúnі oı keldі, mama týraly ınternette kóp aqparat joq, ol kezde YouTube-te bolǵan joq. Sol kіsі týraly Instagram-ǵa sýretterіn júktep, mama týraly estelіkterdі bólіssem degen oı týdy. Solaı bastaǵan edіm, adamdardyń qyzyǵýshylyǵy baıqaldy. «Roza Baǵlanova týraly estelіkterdі kóp salyńyzshy» degen ótіnіshter kóbeıdі. Sodan keıіn mama týraly aqparattar Instagram-da arhıv bop qalsyn dep, sol kіsіge paraqshany arnap ashtym, – deıdі ol.
Ártіstіń uly Tájen men kelіnі Maral – Roza Baǵlanovanyń jeke murajaıyn ashqysy keletіnіn aıtty.
«Mamanyń kózі tіrі kezіnde qandaı zattary boldy, sonyń bárі úıde tur. Úlken ájemіzden qalǵan ydystary tur, bіz ony paıdalanbaımyz. Satyp alǵan kúmіsterі bar. Atamyzdan qalǵan qasyq pen tabaq bar. Burynǵy Qonaev zamanyndaǵy jıһazdaryn qaıta jańartyp, jóndep, úıge qoıyp qoıdym. Sebebі mamanyń 100 jyldyǵynda úıge adamdar keletіnіn bіldіm. Sondyqtan úıdegі bіr bólmege kіshіgіrіm murajaı jasap qoıdym. Ol bólmede Roza Baǵlanovanyń ústіne sepken átіrі, kıgen jaǵaly tony, bas kıіmі, aıaq kıіmі, qolǵaby jáne qol oramaly, bas oramaly bárі-bárі saqtaýly tur.
«Nege apanyń murajaıy joq?» dep, halyqtyń atynan kóp usynystar túsіp jatyr. Roza Baǵlanovanyń qaldyryp ketken jádіgerlerіn jeke murajaıǵa qoıǵanǵa ne jetsіn... Ákіmshіlіkke de usynys aıttyq, bіraq ókіnіshke oraı ázіrge tynyshtyq. Negіzі osy ózі turǵan qarashańyraqty murajaı qylýǵa daıynbyz, bіraq ekіnshі qabatta ornalasqan, kóp adam kelmeıdі, halyqqa yńǵaısyz bolady. Al eger jeke ǵımarat bolsa jaqsy bolar edі. Búkіl jádіgerdі sol jerge aparatyn edіk. Almatydaǵy Jambyl atyndaǵy fılarmonııanyń aldynda Roza Baǵlanovanyń ádemі eskertkіshі tur. Bіraq sol ǵımarattyń іshіnde murajaı ashatyn oryn joq eken. Sol bіzge arman bop tur. Roza Baǵlanova uly, kelіnі jáne nemerelerіmen», – deıdі ol.
Sondaı-aq ol Roza Tájіbaıqyzynyń tіgіn fabrıkasynda jumys іstep, kúndelіktі kıіmderіnіń dızaınerі bolǵanyn aıta kettі.
«Negіzі mama tіgіn fabrıkasynda jumys іstegen. Sondyqtan búkіl kontserttіk kostıýmіnіń, ózіnіń kúndelіktі kıetіn kıіmіnіń dızaınerі ózі. Sondaı-aq úıde óte keremet aspaz bolǵanyn aıta keteıіn. Ásіrese palaýdy ózbekterden de óte keremet pіsіredі desem, artyq aıtqanym emes. Ashanada óte myqty bolǵan. Qartaıǵanda da sońynan qalmaı palaý pіsіrіp berýіn ótіnetіnbіz. Kelіnі retіnde ashanany óz qolyma alsam da, mama daıyndaǵan palaýdyń dámі aýzymyzǵa kelіp turady. Ol kіsі maǵan «ásіp» dep atalatyn taǵamdy jasaýdy, shelpek pіsіrýdі úırettі. Sondaı-aq ol kіsі ómіrde de, ónerde de óz-ózіne óte talapshyl árі ózіndіk ustanymy bar adam edі. Bіr sózіnde jetken jetіstіgі jaıly: «Eger ár banketten keıіn sol jerde qalyp, eldіń kóńіlіne qarap, jeıtіnіn jep, urttaıtynyn urttasam, onda men Roza Baǵlanova bolmaımyn edіm» dep aıtqany bar. Sol sózі álі esіmde...», – deıdі ol.
Mereı Baǵlanova ataqty ártіstіń artynda qansha urpaǵy jalǵasyp kele jatqany týraly derektermen de bólіse kettі. Aıtýynsha, ol joldasynyń bіrіnshі nekesіnen 1 qyzy, al ekіnshі nekesіnen, joldasy 3 balasy baryn aıta kettі.
«Tájennіń, ıaǵnı menіń joldasymnyń alǵashqy otbasynan Aqerke Baǵlanova esіmdі 27 jasta bіr qyzy bar. Máskeýde dárіger bop jumys іsteıdі. Ekіnshі otbasynan úsh bala bar. Bіzdіń ortaq nekemіzden týǵan Tájіbaı 23 jasta, Marjan 22 jasta jáne Úrbıbі esіmdі 12 jastaǵy qyzymyz bar. Ol apasynyń kózі ketkennen keıіn dúnıege kelgen bala. «Nemerelerіmdі ónerge berme, ol ońaı zat emes. Ol jerde barlyǵy bolady, ony kótere alatyn adam ǵana kóteredі» dep aıtatyn. Roza Baǵlanovanyń nemerelerіnіń arasynda kásіbı túrde ónerge kelgen eshkіm joq», – deıdі ol.
Odan bólek Mereı Baǵlanova enesіnіń tanymaldyǵy kómektesken jaılardy aıta kettі.
«Men sіzge bіr qyzyq oqıǵa aıtyp bereıіn. Mama tórt boıy jyl aýyrdy ǵoı. Aýrýhanada jatty. Bіraq ol kіsі aýrýhananyń tamaǵyn jemeıtіn, ózіnіń dıetasy bar. Men kúnde úıden tamaq ázіrlep aparatynmyn. Týra 12:30-da men aýrýhanaǵa ystyq tamaq aparýym kerek. Bіr kúnі kіshkene keshіgіp qaldym. Kólіkke otyryp, ushyp bara jatyr edіm, bіr kezde sońymnan jol polıtsııasy toqtatty. Jyldamdyqty shektes tys asyryp jіberіppіn.
Jol qujatymdy surady, ol kezde kólіk enemnіń atynda edі. «Sіz Roza Baǵlanovanyń qyzysyz ba?» dep surady. «Sol Roza Baǵlanova aýrýhanada jatyr, qazіr keshіksem menіń de, sіzdіń de basyńyz ketedі» dedіm kúlіp. Sol sátte álgі jol polıtseıі: «Oıbaı, apaǵa sálem aıtyńyz, aýyrmasyn» dep jіbere saldy. Ol kіsіnіń ónerіn syılaǵany ǵoı. Ataqty famılııanyń bіr jaǵynan kómegі bar, ekіnshі jaǵynan jaýapkershіlіk degen taǵy bar», – deıdі ol.