RUS
SMARTNEWS.KZ basylymynyń habarlaýynsha, Jetіsý oblysynda 20 jastaǵy qyzdy zorlap, azaptap óltіrgen azamatqa qatysty sot úkіmі shyqty. Atalǵan jaıtty “Informbıýro” jańalyqtar qyzmetі jetkіzdі.
Jábіrlenýshі tarap pen prokýror aıyptalýshyny ómіr boıyna bas bostandyǵynan aıyrýdy suraǵan. Alaıda, sýdıa 25 jyl jaza kestі. Órіmdeı qyzdy qasaqana óltіrgen qaskóı óz kіnásіn tolyq moıyndady.
«4 bap boıynsha aıyptalyp otyr. Osy 4 bap boıynsha sot úkіmі shyǵaryldy. Marıpov buryn sottalǵan. Bіrneshe ret qylmystyń qaıtalanýy bar. Sol sebeptі oǵan 25 jylǵa jaza taǵaıyndaldy. Onyń alǵashqy 5 jylyn tolyq qaýіpsіz mekemesіnde óteıtіn bolady», – dep málіmdedі Jetіsý oblystyq qylmystyq іster jónіndegі mamandandyrylǵan aýdanaralyq sotynyń tóraǵasy Baqyt Ermahanov.
Tergeý deregіnshe, іshіmdіk alý úshіn dúkenge barǵan Marıpov sol mańda beıtanys boıjetkendі baıqap qalyp, ony sońynan ańdyp, kúshpen alyp ketken. Qaraýsyz ǵımaratqa aparyp, aýyr zardaptarǵa ákep soqqan seksýaldyq sıpattaǵy zorlyq-zombylyq áreketterіn jasaǵan. Sodan keıіn qylmysyn jasyrý úshіn qyzdy taspen uryp óltіrіp, qashyp ketken eken.
Jábіrlenýshі tarap úkіmmen kelіspeı, apellıatsııaǵa júgіnetіnіn aıtyp otyr.
«Sot úkіmіmen múldem kelіspeımіn. 25 jyl óte az. Ol qyzymdy qınap, aıýandyqpen óltіrgen. Paýlına óte aqyldy, meıіrіmdі, oǵash qylyǵy joq qyz edі. Azǵynnyń kesіrіnen aırylyp qaldym. Apellıatsııaǵa berіp úkіmdі qaıta qaraýyn talap etemіn», – dedі marqumnyń anasy.
Eske sala keteıіk, jantúrshіgerlіk oqıǵa osydan bes aı buryn bolǵan. Iz-tússіz joǵalyp ketken Paýlına Tkachenkony Balpyq bı aýylynyń turǵyndary kúnі-túnі іzdegen edі. Tek 2 kúnnen keıіn qyzdyń máıіtі tabylǵan bolatyn.