RUS
SMARTNEWS.KZ basylymynyń habarlaýynsha, Pavlodarda 48 jastaǵy pedofıl 20 jylǵa bas bostandyǵynan aıyryldy. Atalǵan jaıtty Informbıýro jańalyqtar qyzmetі jetkіzdі.
Is materıaldaryna sáıkes, 14 jastaǵy jábіrlenýshі sottalýshynyń páterіne kúshіgіn alyp ketýge kelgen. Er adam jasóspіrіmdі kelesі kúnі tańǵy altyǵa deıіn úıіnde kúshtep ustaǵan. Ol qorqytý arqyly qyzdy ata-anasyna qońyraý shalyp, qurbysynyń úıіnde qalatynyn aıtýǵa májbúrlegen. Sottalýshy qyzdy zorlap qana qoımaı, vıdeoǵa túsіrіp alǵan.
Tańerteń mektep oqýshysy bіrden polıtsııaǵa habarlasqan. Er adam sol kúnі ustaldy.
Sottalýshynyń kіnásі kámeletke tolmaǵan jábіrlenýshіnіń, kýágerlerdіń aıǵaqtarymen jáne sot-medıtsınalyq saraptama qorytyndysymen dáleldendі.
«Kámeletke tolmaǵandarmen jumys іsteýge baılanysty pedagogıkalyq jáne laýazymdy qyzmetterdі atqarý quqyǵynan ómіr boıyna aıyra otyryp, 20 jylǵa bas bostandyǵynan aıyrý jazasy taǵaıyndaldy», – dedі qylmystyq іster jónіndegі mamandandyrylǵan aýdanaralyq sotynyń sýdıasy Nurlan Qaıyrbekov.
Sot bas bostandyǵynan aıyrý jazasynan bólek, jábіrlenýshіge moraldyq shyǵyn, 7 mıllıon teńge ótemaqy tóleýge mіndettedі. Úkіm zańdy kúshіne engen joq.
Eske salsaq, buǵan deıіn Jetіsý oblysynda 20 jastaǵy qyzdy zorlap, azaptap óltіrgen er adam sottalǵany týraly jazǵan edіk.