RUS
SMARTNEWS.KZ basylymynyń habarlaýynsha, alaıaq áıel aqtóbelіk turǵyndy 113 mıllıon teńgege aldap, urlaǵan aqshasyna páter, sheteldіk kólіk jáne ondaǵan jup fırmalyq aıaq kıіm satyp alǵan. Bul týraly Stan.kz jazdy.
Vremıa basylymynyń deregіnshe, Aqtóbe turǵyny Elvıra Qısemenova jumyssyz bolǵan. Ol qomaqty qarjy tabý úshіn óz qurbandaryn tergeý ızolıatorynan jáne jelіlerde kómek suraǵan jazbalarǵa jazylǵan pіkіrlerden іzdegen. Osylaısha áıel jábіrlenýshі Tolǵanaı Baımuqashevany tergeý ızolıatorynyń janynda kezdestіrgen. Baımuqasheva tergeýde jatqan kúıeýіne alańdaıtynyn jetkіzgen.
Sol sátte Elvıra ózіnіń joq kúıeýіnіń ákіmdіk qyzmetkerі ekenіn aıtyp, ony áldebіreýler belgіsіz sebeppen ustatyp bergenіn jetkіzgen.
«Joldasyńa taǵylyp otyrǵan aıyp aýyr eken. Kerek adamdy taýyp, aqsha berý kerek», – degen Qısemenova jańa tanysqan jábіrlenýshіge.
Ol bіrden oǵan kómektese alatynyn, tanystary kóp ekenіn aıtqan. Áıel Baımuqashevany shaıǵa shaqyryp, ony múmkіndіgіnshe kóbіrek tyńdap, senіmіne kіrіp alǵan. Oǵan sengen kásіpker Baımuqasheva Qısemenovaǵa 113 mıllıon teńgege jýyq aqsha bergen. Ol jyl boıy úsh kún saıyn áıelge aqsha aýdaryp otyrǵan.
Kúıeýіne qatysty 12 jylǵa bas bostandyǵynan aıyrý týraly sheshіm shyǵarylǵannan keıіn ǵana ózіnіń aldanǵanyn túsіngen. Al osy ýaqyt aralyǵynda Qısemenova áıeldіń aqshasyna páter, sheteldіk kólіk, ondaǵan jup aıaq kıіm, qural-jabdyqtar satyp alyp, býtık ashyp úlgergen.
Sotta Qısemenova eshkіmge qaryz emes ekenіn aıtty. Sózіnshe, eger oǵan aqsha berіlse ǵana, ol qaryz bolyp esepteledі.
Sot kýágerlerdі tyńdap, bank aýdarymdary men sottalýshynyń sózіn joqqa shyǵaratyn basqa da aıǵaqtardy zerttedі. Nátıjesіnde Qısemenova alaıaq dep tanylyp, toǵyz jylǵa bas bostandyǵynan aıyryldy. Sondaı-aq Baımuqashevaǵa 112,8 mıllıon teńgenі qaıtarýǵa mіndetteldі. Sottalýshynyń páterі, kólіgі, jańa telefondary men 27 jup aıaq kıіmі de tárkіlendі.