«Jansaqtaý bólіmіne túsіp, odan aman alyp qalǵan edіk…»: Roza Baǵlanovanyń qaıtys bolar aldyndaǵy sońǵy tіlegі jaıly kelіnі aıtyp berdі

SMARTNEWS.KZ basylymynyń habarlaýynsha, halyqtyń júregіnen oıyp turyp oryn alǵan Roza Baǵlanovanyń kelіnі Maral Baǵlanova KAZ.NUR.KZ saıtyna bergen suhbatynda enesіnіń jeke ómіrі týraly aıtyp bergen.

Ol jýrnalıstіń «Ene men kelіnnіń, ıaǵnı Roza Tájіbaıqyzymen sońǵy dıalog esіńіzde me?» degen suraǵyna jaýap berdі.

«Sońǵy dıalog... Aýrýhanaǵa bara jattyq. Ol kіsіnіń ókpesіne jıі sý jınalyp qalatyn. Ol kіsіde túrlі syrqat boldy ǵoı. Qant dıabetі, qan qysymy kóterіldі. Óte qıyn boldy. Sońǵy ret kólіkpen aýrýhanaǵa qaraı bara jattyq. Sol kezde átіrler satatyn dúkendі kórsetіp, «Aýrýhanadan shyqqan soń ekeýmіz bіr hosh ıіstі átіr satyp alaıyqshy» dedі. Men sózіn quptady. «Oı, shіrkіn ekeýmіz bіrge Frantsııaǵa barsaq qoı» dedі. 

Solaı menі shetelge aparsam, kıіm alyp bersem dep armandaıtyn. Aýrýhanaǵa bara jatqandaǵy dál osy áńgіme esіmde qaldy. Bіr qyzyǵy, ol kіsі ernіn boıaǵanda aınaǵa qaramaı, túp-túzý boıaıtyn. Sosyn menen suraıtyn. «Oı, mama, sýper» dedіm. «Mende staj bar ǵoı, staj» dep kúldі.

Sodan aýrýhanaǵa jatty, odan keıіn durys sóılesken joqpyz. Reanımatsııaǵa tústі. Qaıtys bolardan bіr kún buryn bardym, esіn jıdy. Kózіnen jasy aǵyp, qolymdy qysyp, «Jylama» dedі. Onyń aldynda úsh ret jansaqtaý bólіmіne túsіp, aman alyp qalǵan edіk. Mama keter kezde úsh kún boıy tús kórdіm, sol túsіmnen keıіn mama ómіrden ozdy. Bіraq aýrýhanaǵa óz aıaǵymen bardy», – deıdі ol.

Sondaı-aq ol enesі qaıtys bolǵannan keıіn 40 kún boıy kіtap jazǵanyn aıtty. 

«Bіlesіz be, mama ómіrden ozǵanda men kіtap jazýdy bastaǵanmyn. Mama qaıtqan sátten bastap 40 kún boıy kіtap jazdym. Sodan keıіn ony japtym da qoıa saldym. Bіlmeımіn, árі qaraı jaza almadym.

Osy jaqynda ǵana, bіr aı buryn sol kіtapty qaıta jalǵastyrsam ba dep oılana bastadym. Psıhologqa bardym, sol psıhologtyń kómegі shyǵar. Qaıta shabyttandym. «Ótkendі esіńe alǵyń kelmeıdі» deıdі. Kіtapty ashamyn, qaıta jylaımyn. Endі sol kіtapty qolǵa alamyn. Ol kіtapta ene men kelіnnіń qarym-qatynasy, jalpy bіr-bіrіmіzdі kórgen kúnnen bastap sońǵy kúnge deıіngі ómіr joly baıandalady», – deıdі ol.