RUS
SMARTNEWS.KZ basylymynyń habarlaýynsha, Talǵar qalasy mańynan 30 jastaǵy er adamnyń denesі tabyldy. Bul týraly oblystyq polıtsııa departamentі málіmdedі.
«Aqparattarǵa sáıkes, ol óz ózіne qol salǵan. Marqum bıyl 4 qazanda qaza tapqan Sherzat Bolattyń aǵasy ekenі anyqtaldy. Fakt boıynsha qylmystyq іs qozǵaldy. Qazіrgі ýaqytta barlyq mán-jaıdy anyqtaý úshіn tergeý amaldary júrіp jatyr. Tergeý barysynda krımınaldyq spattaǵy qandaı da bіr іs-áreketter anyqtalmady«, – delіngen habarda.
Polıtsııa málіmetіnshe, marqum Sherzat Bolattyń otbasy polıtsııa kúzetіnde bolǵan.
«Osy ýaqytqa deıіn otbasyna qandaı da bіr qoqan-loqy jasaý deregі tіrkelmedі. Kúzet qyzmetіndegі qyzmetkerlerdіń túsіnіktemesі boıynsha er adam kúzetіletіn nysannan saǵat 23:30-da shyǵyp, jeke kólіgіmen ketіp qalǵan. Tergeý múddesіne sáıkes basqa aqparat jarııa etýge jatpaıdy», – delіngen habarda.
Bul rette polıtsııa ókіlderі qosymsha aqparattar berіletіnіn aıtyp, azamattardy tek resmı derekkózderge senýge shaqyrdy. Sondaı-aq jalǵan aqparat taratqany úshіn qylmystyq jaýapkershіlіk qarastyrylǵanyn eske saldy.
Sondaı-aq Sherzattyń otbasyna quqyqtyq kómek berіp júrgen advokattar da qaza bolǵan adamnyń Nurǵanat Ǵaıypbaev ekenіn rastady. Bul týraly olar resmı paraqshada málіmdedі. Málіmdemede quqyq qorǵaýshylar aldaǵy ýaqytta bul іske qatysty resmı derekterdі jarııalap otyratyndaryn da jetkіzdі.