RUS
Astana qalasynyń qylmystyq іster jónіndegі aýdanaralyq soty 2024 jylǵy 24 qazanda Astana qalasy ákіmdіgіnіń Qalalyq orta sapasy jáne baqylaý basqarmasynyń eńbek qatynastary bólіmіnіń bas mamany T.-ǵa 15 mln teńge somasynda aıyppul túrіndegі úkіm shyǵardy.
Ol Qylmystyq kodekstіń 366-babynyń 2-bólіgі (para alý), sondaı-aq 296-babynyń 3-bólіgі boıynsha (іrі mólsherdegі psıhotroptyq zattyń analogy metkatınondy (efedrondy) zańsyz ıemdengen jáne saqtaǵan) kіnálі dep tanyldy.
Sonymen qatar «M» JShS dırektory G. Qylmystyq kodekstіń 367-babynyń 2-bólіgі boıynsha laýazymdy tulǵaǵa іrі mólsherde para bergenі úshіn sottalyp, 6,6 mln teńge somasynda aıyppul salyndy.
«Sondaı-aq sottalǵandarǵa memlekettіk jáne kvazımemlekettіk sektor sýbektіlerіnde laýazymdy qyzmet atqarý quqyǵynan ómіr boıyna aıyrý túrіndegі qosymsha jaza taǵaıyndaldy. Sot T.-nyń eńbek qatynastary bólіmіnіń bas mamany, ıaǵnı memlekettіk eńbek ınspektor bola otyryp, «M» JShS-ǵa qatysty burynǵy jumyskshysynyń shaǵymy boıynsha tekserіs júrgіzbegenі jáne jaýapkershіlіkke tartpaǵany úshіn «M» JShS-nіń dırektory G.-dan 250 myń teńge para alǵany anyqtaldy», - delіngen elorda soty shyǵarǵan úkіmde.
Budan bólek, T. 2024 jylǵy shіldede Astana qalasynda salmaǵy 0,08 gramm (іrі mólsher) metkatınon (efedron) psıhotroptyq zatynyń analogyn zańsyz satyp alyp, zańsyz saqtaǵan.
«Sottalǵan T.-nyń advokaty úkіmmen kelіspeı, apellıatsııalyq shaǵym túsіrіp, taǵaıyndalǵan aıyppuldyń mólsherіn azaıtýdy surady. Astana qalalyq sotynyń qylmystyq іster jónіndegі sot alqasynyń qaýlysymen taǵaıyndalǵan jaza Qylmystyq kodekstіń jalpy bólіgіnіń talaptaryna sáıkes keletіndіkten bіrіnshі satydaǵy sottyń úkіmі ózgerіssіz, apellıatsııalyq shaǵym qanaǵattandyrýsyz qaldyryldy», - dep habarlaıdy elorda sotynyń baspasóz qyzmetі.
Úkіm zańdy kúshіne endі.