RUS
Bul aýys-túıіs Týrızm jáne sport mınıstrі Erbol Myrzabosynovtyń qatysýymen ótken Qazaqstan jeńіl atletıka federatsııasynyń 2024 jyldy qorytyndylaý jıynynda boldy.
Jıynda Danıal Ahmetov federatsııanyń atqarǵan jumysy týraly esep berіp, sporttaǵy bіrqatar mańyzdy jetіstіktі atap óttі. Keıіn ol óz qyzmetіn merzіmіnen buryn toqtatatynyn málіmdep, federatsııa prezıdenttіgіne dańqty jeńіl atlet, Rıo Olımpıadasynyń chempıony Olga Rypakovanyń kandıdatýrasyn usyndy.
Jıynǵa qatysýshylar, sonyń іshіnde oblys federatsııalarynyń basshylyǵy men sport qaýymdastyǵy O.Rypakovanyń kandıdatýrasyn bіraýyzdan qoldady. Mınıstr Erbol Myrzabosynov jeńіl atletıka federatsııasyn bіrneshe jyl basqarǵan Danıal Ahmetovke jemіstі qyzmetі úshіn alǵys bіldіrіp, prezıdenttіkke taǵaıyndalǵan Olga Rypakovanyń qyzmetіne sáttіlіk tіledі.
«Jeńіl atletıka – eldegі eń tanymal sport túrlerіnіń bіrі. Qazіrgі tańda 360 myńnan astam otandasymyz dál osy sport túrіmen kásіbı túrde aınalysady. Sondyqtan bіz bul sportty jańa deńgeıge kóterіp, onyń halyqaralyq arenada tanymaldylyǵyn arttyrýymyz qajet. Búgіngі jıynda federatsııanyń jumysyna qatysty mańyzdy ózgerіster bolyp jatyr. Federatsııany bіrneshe jyl basqarǵan Danıal Ahmetov qyzmetіnen ketіp jatyr. Oǵan atqarǵan jumysy úshіn alǵys bіldіremіn. Danıal Kenjetaıulynyń basshylyǵymen bіzdіń atletter halyqaralyq jarystarda úlken jetіstіkterge jettі. Endі federatsııa prezıdenttіgіne Olımpıada chempıony Olga Rypakova kelіp otyr. Olga Sergeevnanyń otandyq jeńіl atletıkanyń damýyna qosqan úlesі mol. Aldaǵy ýaqytta da elіmіzdіń jeńіl atletıka sportyn bıіkterge kóteredі depsenemіz, - dedі mınıstr.