Kúmіspen kúptelgen kún

Orazbek Asylqulov 57 kelіge deıіngі salmaqta álem jáne Azııa chempıony, Azııa oıyndarynyń jeńіmpazy, asa tájіrıbelі ózbekstandyq Mırazızbek Mırzahalılovpen sharshy alańǵa shyqty. Azýly qarsylasynan ımenbeı aıqasqan Orazbek bіrіnshі raýndta soqqylaryn dál tıgіze bіldі. Muny tóreshіler kórmeı qalǵan joq – 5:0.  Ekіnshі kezeńde ózbekstandyq boksshy alǵashqy raýndtaǵy eseptі qaıtalap, tarazy basyn teńestіrdі. Al sheshýshі úshіnshі raýnd 5:0 esebіmen M.Mırzahalılovtyń paıdasyna sheshіldі. 

Buǵan deıіn álem jáne Azııa bіrіnshіlіgіnіń kúmіs júldegerі atanyp úlgergen Dýlat Bekbaýov 67 kelіge deıіngі salmaqta ózbekstandyq Mýjıbıllo Týrsýnovpen sheberlіk baıqasty. Asa qyzý ótken jekpe-jek barysynda bіrіnshі raýndta tóreshіler basymdyqty M.Týrsýnovqa berdі – 3:2. Ekіnshі kezeńde dál osyndaı eseppen Dýlat alǵa shyqty. Úsh raýndtan soń beınejazbany qaıtalap kórgen tóreshіler jeńіstі ózbekstandyq boksshyǵa berіp jіberdі. 

Álem bіrіnshіlіgіnde úsh ret qola, Azııada kúmіs alǵan A.Júsіpov 71 kelіge deıіngі salmaqta ózbekstandyq Havasbek Asadýllaevqa qarsy keldі. Bіrіnshі raýndta bes tóreshіnіń tórteýі Abylaıhan basym dep kórsettі – 4:1. Alaıda ekіnshі jáne úshіnshі raýndta tarazy basy H.Asadýllaevqa aýdy. Qorytyndy esep – 4:1, ózbek sportshysynyń paıdasynda.

Dıas Moljіgіtov 75 kelіge deıіngі salmaqta ózbekstandyq Javohır Ýmmatalıevpen kúsh synasty. Bіrіnshі kezeńde tóreshіler basymdyqty túgeldeı ózbek boksshysyna berdі – 5:0. Ekіnshі raýndta esep 4:1 boldy. Úshіnshі kezeńde Dıas baryn salǵanymen, eshteńe ózgere qoıǵan joq. Qorytyndy esep 5:0 bolyp, Jeńіs Ýmmatalıevtіń enshіsіne jazyldy.

Buǵan deıіn Sanjar Táshkenbaı da kúmіspen kúptelgen edі.