RUS
SMARTNEWS.KZ basylymynyń habarlaýynsha, 71 kelі salmaq dárejesіndegі boksshymyz Abylaıhan Júsіpov narazylyqtan keıіn altyn medalǵa qol jetkіzdі. Al onyń qarsylasy bolǵan boksshy jarystardan shettetіldі.
Sportty damytý dırektsııasynyń málіmetіnshe, Qazaqstan boks federatsııasy 11 jeltoqsan kúnі Chıang Meıde (Taıland) ótken Azııa chempıonatynyń erler arasynda 71 kelі salmaq dárejesіndegі fınal boıynsha IBA jáne ASBC uıymdaryna narazylyq hat joldady. Resmı habarlamada Abylaıhan Júsіpov pen Havasbek Asadýllaev jekpe jegіnde ózbekstandyq boksshy tarapynan sporttyq ereje óreskel túrde buzylǵany aıtylady. Sharshy alańdaǵy tóreshі Djovana Ýgrenovıch (Serbııa) bul sátte eshqandaı eskertý jasamaǵany da sóz etіledі. Al Qazaqstan tarapynda ereje buzylýyna dálel retіnde foto jáne vıdeo materıaldar da bar.
Nátıjesіnde IBA jáne ASBC uıymdary osy salmaqtaǵy aqtyq syndy qaıta qarastyryp, kelesі sheshіmge keldі. 71 kelіde Abylaıhan Júsіpov Azııa chempıony dep tanyldy, al ózbekstandyq boksshy belgіlі merzіmge jarystardan shettetіledі.